سندھ رینجرز نے ستمبر 2013 سے ستمبر 2018 تک کراچی آپریشن کی 5 سالہ کارکردگی رپورٹ جاری کردی

سال کے دوران 15 ہزار 838 آپریشنز کیے گئے ،ْ11 ہزار 619 افراد گرفتار، 13 ہزار 224 ہتھیار برآمد ،ْ 8 لاکھ 6 ہزار 83 مختلف ہتھیاروں کے کارتوس بھی قبضہ میں لئے گئے ،ْ رپورٹ

پیر 31 دسمبر 2018 13:30

کراچی(اُردو پوائنٹ اخبارتازہ ترین - این این آئی۔ 31 دسمبر2018ء) سندھ رینجرز نے ستمبر 2013 سے ستمبر 2018 تک کراچی آپریشن کی 5 سالہ کارکردگی رپورٹ جاری کردی جس میں کہاگیا ہے کہ 5 سال کے دوران 15 ہزار 838 آپریشنز کیے گئے جس میں 11 ہزار 619 افراد گرفتار، 13 ہزار 224 ہتھیار برآمد کیے گئے جب کہ 8 لاکھ 6 ہزار 83 مختلف ہتھیاروں کے کارتوس بھی برآمد ہوئے۔سندھ رینجرز کی جانب سے جاری رپورٹ کے مطابق 5 سال کے دوران 15 ہزار 838 آپریشنز کیے گئے جس میں 11 ہزار 619 افراد گرفتار، 13 ہزار 224 ہتھیار برآمد کیے گئے جب کہ 8 لاکھ 6 ہزار 83 مختلف ہتھیاروں کے کارتوس بھی برآمد ہوئے۔

رپورٹ کے مطابق گرفتار افراد میں 2210 دہشت گرد، 1881 ٹارگٹ کلرز، 852 بھتہ خور اور اغوا برائے تاوان کے 227 ملزمان کو گرفتار کیا گیا۔

(جاری ہے)

رینجرز کی جاری کردہ رپورٹ کے مطابق پانچ سال کے دوران 2107 دستی بم، 28 آئی ای ڈیز، 918 کلو دھماکا خیز مواد، 16 خودکش جیکٹس، 116 آوان بم اور 46 آر پی جی راکٹ بھی برآمد کیے گئے۔رپورٹ میں بتایا گیا کہ رینجرز آپریشنز کے دوران 169 مغویوں کو بازیاب کرایا گیا ہے۔یاد رہے کہ سابق وزیراعظم نواز شریف کی کابینہ نے کراچی میں رینجرز آپریشن کا فیصلہ کیا اور اس وقت کے وزیرداخلہ چوہدری نثار علی خان نے 4 ستمبر کو پریس کانفرنس کے دوران کراچی میں رینجرز کے ٹارگٹڈ آپریشن کا اعلان کیا۔