سانحہ ساہیوال ، سی ٹی ڈی کے ایک دعویٰ جھوٹا نکلا
گاڑی کا صرف ایک شیشہ سیاہ نکلا، گاڑی کی پچھلی اسکرین بھی سیاہ نہیں تھی
سمیرا فقیرحسین پیر 21 جنوری 2019 10:08
(جاری ہے)
میڈیا رپورٹ میں بتایا گیا کہ گاڑی کا صرف ایک شیشہ کالا تھا۔ نہ تو گاڑی کا پچھلا شیشہ سیاہ تھا اور نہ ہی کوئی بیک سیٹ کے شیشے کالے تھے جس سے گاڑی میں بیٹھے افراد کو بآسانی دیکھا جا سکتا تھا۔
میڈیا رپورٹ میں گاڑی کو دکھایا گیا اور بتایا گیا کہ گاڑی کا صرف ایک شیشہ سیاہ تھا، پچھلے شیشے سے گاڑی کے پیچھے کھڑے ٹرک کی ہیڈ لائٹ بھی واضح نظر آ رہی ہے۔ دائیں طرف کے پچھلے شیشے سے بچوں کو صاف دیکھا جا سکتا ہے۔اب ایسے میں سی ٹی ڈی کی جانب سے یہ بیان دیا جانا کہ گاڑی میں بیٹھے لوگ نظر نہیں آئے ، افسوسناک ہے۔ سی سی ٹی وی فوٹیج سامنے آنے کے بعد سی ٹی ڈی کا ایک اور دعویٰ جھوٹا ثابت ہو گیا ہے۔ یاد رہے کہ سانحہ ساہیوال پر گذشتہ روز سی ٹی ڈی کی جانب سے جاری کیے جانے والے تیسرے بیان میں ترجمان نے ذیشان کو دہشتگرد قرار دیتے ہوئے کہا کہ واقعہ میں خلیل، اس کی اہلیہ اور اس کی بیٹی کی ہلاکت انتہائی بدقسمتی تھی۔ جے آئی ٹی واقعہ کی تحقیقات کر رہی ہے۔ جس اہلکار کی غلطی ثابت ہوئی اس کے خلاف کارروائی کی جائے گی۔ سانحہ ساہیوال کی ویڈیو منظرعام پر آنے کے بعد انسداد دہشتگردی فورس کی جانب سے جاری وضاحتی بیان میں سانحہ ساہیوال میں ہلاک ہونے والوں میں سے ذیشان نامی شخص کو دہشتگرد قرار دے دیا ۔ ترجمان سی ٹی ڈی نے کہا کہ ذیشان اس گاڑی میں موجود واحد دہشتگرد تھا۔ گاڑی کالعدم تنظیم داعش کے زیر استعمال رہی۔ ترجمان نے کہا کہ تھریٹ الرٹ موصول ہوا کہ 20 تاریخ کو دہشتگرد حساس ادارے کے دفتر کو نشانہ بنانا چاہتے ہیں۔تھریٹ الرٹ کے بعد سی ٹی ڈی نے حساس ادارے کے ساتھ مشترکہ آپریشن کیا۔ ذیشان کی گاڑی کے شیشیے کالے تھے لہٰذا پیچھے بیٹھے ہوئے افراد نظر نہیں آرہے تھے۔ واقعہ میں خلیل ، اس کی اہلیہ اور بیٹی کی ہلاکت انتہائی بد قسمتی تھی۔ ذیشان کا ٹاسک جنوبی پنجاب تک بارودی مواد پہنچانا تھا۔ ذیشان نے جان کر خلیل کے خاندان کو لفٹ دی۔ خلیل کے خاندان کو ذیشان کے عزائم ، گاڑی کے دہشتگردوں کے زیر استعمال رہنے کا علم نہیں تھا۔ گاڑی پر سی ٹی ڈی اور حساس ادارے کی مشترکہ نگرانی پہلے سے جاری تھی۔ سیف سٹی اتھارٹی کے کیمروں نے گاڑی کو ساہیوال جاتے ہوئے دیکھا اور نشاندہی کی۔ سیف سٹی اتھارٹی کی اطلاع پر ساہیوال کی ٹیم کو گاڑی روکنے کا ٹاسک سونپا گیا۔ گاڑی روکنے پر ذیشان اور گاڑی کو فالو کرتے ہوئے موٹرسائیکل سواروں کی جانب سے ٹیم پر فائرنگ کی گئی۔ سی ٹی ڈی کی جانب سے خلیل کے اہل خانہ کی بے گناہی کو تسلیم کیا جانا سی ٹی ڈی اور پولیس کی نا اہلی کو ثابت کرتا ہے۔ جبکہ عینی شاہدین کے مطابق گاڑی سے بارود یا اسلحہ برآمد نہیں ہوا اگر ایسا تھا تو یہ سب کچھ میڈیا کے سامنے پیش کیوں نہیں کیا گیا۔ بیانات میں تضاد ہونے اور معاملہ اُلجھ جانے کی وجہ سے ہی سانحہ ساہیوال پر ایک جے آئی ٹی تشکیل دی گئی ہے جو تحقیقات مکمل کر کے ممکنہ طور پر کل اپنی رپورٹ پیش کرے گی۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.