اینٹی بایو ٹیکس اور خواب آور ادویات کی کھلے عام فروخت کیخلاف پنجاب اسمبلی میں قرارداد جمع

بدھ 13 فروری 2019 16:58

لاہور (اُردو پوائنٹ اخبارتازہ ترین - این این آئی۔ 13 فروری2019ء) مسلم لیگ (ن) کی رکن پنجاب اسمبلی حنا پرویز بٹ نے اینٹی بایو ٹیکس اور خواب آور ادویات کی کھلے عام فروخت کیخلاف پنجاب اسمبلی سیکرٹریٹ میں قرارداد جمع کرادی جس میں مطالبہ کیا گیا ہے کہ اینٹی بایو ٹکس اور خوب آور ادویات کی کھلے عام خریدو فروخت پر پابندی لگائی جائے۔

(جاری ہے)

قرار داد کے متن میں کہا گیا ہے کہ خواب آور ادویات کا سب سے زیادہ استعمال نوجوان نسل کررہی ہے۔

جس کی وجہ سے وہ اپنی زندگیاں تباہ کررہے ہیں۔لہذا یہ ایوان مطالبہ کرتا ہے کہ اینٹی بایو ٹکس اور خواب آور ادویات کی آزادانہ فروخت پر مکمل پابندی لگائی جائے اور یہ ادویات صرف ایم بی بی ایس ڈاکٹرز تصدیق شدہ کا لیٹر پیڈ اور شناختی کارڈ دیکھنے پر بھی مریضوں کی دی جائیں۔