انڈیا کے سوا تمام پڑوسی ممالک سے اچھے تعلقات ہیں، انتخابات کے بعد بھارت سے بہتری کی امید ہے ،وزیر اعظم
سی پیک کی بدولت دوسرے ممالک پاکستان میں سرمایہ کاری کا سوچ رہے ہیں ،منصوبہ پاکستان کیلئے نعمت سے کم نہیں،خصوصی اقتصادی زونز سے چینی کمپنیوں کو پاکستان میں کام کرنے کا موقع ملے گا، عمران خان کا خطاب
جمعہ 26 اپریل 2019 17:57
(جاری ہے)
انہوںنے کہاکہ سی پیک منصوبہ بیلٹ اینڈ روڈ کی صورت میں انتہائی اہم ہے جبکہ اقتصادی راہداری منصوبہ پاکستان کیلئے ایک نعمت ہے۔
انہوںنے کہا کہ سی پیک کی بدولت دوسرے ممالک پاکستان میں سرمایہ کاری کرنے کا سوچ رہے ہیں، سی پیک پر پورا پاکستان متفق ہے۔ انہوںنے کہاکہ چین اور پاکستان کے درمیان تعاون کی مختلف جہتیں ہیں، چین کی یونیورسٹیوں نے آرٹیفیشل انٹیلی جنس پر توجہ دی۔انہوںنے کہاکہ چین نے گزشتہ 30سال میں ترقی کی منازل طے کیں، چین کے ساتھ خصوصی اقتصادی زونز کے ذریعے تجارت کے مواقع پر کام کر رہے ہیں۔ وزیر اعظم نے کہاکہ خصوصی اقتصادی زونز سے چینی کمپنیوں کو پاکستان میں کام کرنے کا موقع ملے گا۔ انہوںنے کہاکہ پاکستان اور چین کے تعلقات ہمیشہ بہترین سطح پر رہے ہیں، مشکل کی ہر گھڑی میں چین پاکستان کے ساتھ کھڑا رہا، اب پاکستان کے عوام سمجھتے ہیں کہ چین ہر مشکل میں ہمارا دوست ہے۔عمران خان نے کہا کہ غربت میں کمی کے لیے چین کی کوششوں سے سیکھنا چاہتے ہیں،غربت میں کمی کے پروگرام کے لیے چین کا تعاون حاصل ہے ۔وزیراعظم نے کہا کہ معاشی ترقی اور استحکام کیلئے امن ناگزیر ہے اس لیے ہماری حکومت پڑوسیوں سے تعلقات بہتر کرنے کی کوششیں کررہی ہے۔انہوںنے کہاکہ جو کچھ افغانستان میں ہوتا ہے اس کے اثرات پاکستان میں پڑتے ہیں اس کے لیے ہم امریکا اور طالبان کے مذاکرات میں تعاون کر کے افغانستان میں امن کے خواہاں ہیں جبکہ اس سلسلے میں ایران کے ساتھ تعلقات مضبوط کرنے کی کوششیں جاری ہیں جبکہ بھارت میں انتخابات کے بعد اس سے بھی مذاکرات بحال ہونے کی امید ہے۔انہوں نے بتایا کہ سی پیک کو مزید وسعت دی جاچکی ہے جس میں زرعی شعبہ، ٹیکنالوجی، غربت کا خاتمہ بھی شامل کرلیا گیا ہے اس کے ساتھ ساتھ سی پیک میں خصوصی اقتصادی زونز بھی شامل ہیں جس سے ہمیں برآمدات میں فائدہ ہوگا۔وزیراعظم نے کہا کہ اور جس طرح چین نے صنعتیں لگائیں اقتصادی زونز قائم کیے اس طرح ایک صنعتی پاکستان کے قیام کیلئے چینی تجربے سے فائدہ اٹھانے کے خواہاں ہیں۔مزید اہم خبریں
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.