فیصل آباد، تیز آندھی اور بارش کے باعث مکان کی چھت گرنے سے 5 افراد شدید زخمی

جمعرات 27 جون 2019 14:51

فیصل آباد (اُردو پوائنٹ اخبارتازہ ترین - اے پی پی۔ 27 جون2019ء) فیصل آباد کے نواحی علاقہ محلہ حسین گارڈن تاندلیانوالہ میں گزشتہ رات تیز آندھی،طوفانی ہوائوں اور بارش کے باعث مکان کی چھت گرنے سے ایک ہی گھر کے 5 افراد شدید زخمی ہوگئے۔

(جاری ہے)

ریسکیو1122 کے ترجمان نے بتایا کہ محلہ حسین گارڈن تاندلیانوالہ کے رہائشی الطاف کے مکان کی چھت اچانک زمین بوس ہوگئی جس سے کمرے میں سوئے ہوئے 5 اہل خانہ ثریا بی بی زوجہ غلا م فرید عمر 60سال ، رابیش الطاف دختر الطاف عمر 15سال، ابرار ولد غلام فرید عمر37 سال، افنان ولد الطاف عمر7سال، سکینہ زوجہ الطاف عمر35سال زخمی ہوگئے۔

انہوں نے بتایا کہ واقعہ کی اطلاع ملنے پر ریسکیو 1122کی ایمبولینس اور ریسکیو وہیکل فوری طور پر جائے حادثہ پر پہنچیںجس نے متاثرین کو ابتدائی طبی امداد فراہم کرتے ہوئے ٹی ایچ کیو تاندلیانوالہ منتقل کردیا۔