گھوٹکی، ضمنی انتخاب میں پی پی پی کے امیدوار کی کامیابی پر مولانا ٖفضل الرحمان کی بلاول بھٹو کو مبارکباد

جمعرات 25 جولائی 2019 14:34

اسلام آباد (اُردو پوائنٹ اخبارتازہ ترین - اے پی پی۔ 25 جولائی2019ء) جمیعت علماء اسلام کے سربراہ مولانا ٖفضل الرحمان نے حلقہ این اے 205 ،گھوٹکی کے ضمنی انتخاب میں پی پی پی کے امیدوار کی کامیابی پر چیئر مین پاکستان پیپلز پارٹی بلاول بھٹو کو مبارکباد دی ہے ۔

(جاری ہے)

جمعرات کو یہاں جاری بیان کے مطابق مولانا فضل الرحمان نے کہا کہ گھوٹکی کے انتخابات کے نتائج اپوزیشن پر عوام کے اعتماد کا مظہر ہے۔انہوں نے کہا کہ میں حلقہ این اے 205 کے انتخابات جیتنے والے امیدوار سردار محمد بخش مہرکو مبارکباد دیتا ہوں، جے یو آئی ایف نے بھی پاکستان پیپلز پارٹی کے امیدوار کی بھر پور حمایت حاصل کی تھی۔ مبارک باد دینے اور انتخابات میں تعان پر بلاول بھٹو نے مولانا فضل الرحمان کا شکریہ ادا کیا۔