دریاخان،خواجہ سرا کو اہم ادارے میں ملازمت دیدی گئی

جمعہ 26 جولائی 2019 20:40

دریاخان(اُردو پوائنٹ اخبارتازہ ترین - آن لائن۔ 26 جولائی2019ء) خواجہ سرا کو اہم ادارے میں ملازمت دیدی گئی۔ تفصیلات کے مطابق بیت المال پاکستان میں خواجہ سرا کو نائب قاصد کی ملازمت دے دی گئی۔ اس حوالے سے مائیکروبلاگنگ ویب سائٹ ٹویٹر پر پریس انفارمیشن ڈیپارٹمنٹ نے بھی پیغام جاری کیا جس میں بتایا گیا کہ بیت المال میں خواجہ سرا فیصل کو ملازمت دے دی گئی ہے،اور اس کی تعلیمی قابلیت میٹرک ہے۔

پریس انفارمیشن ڈیپارٹمنٹ نے اپنے ٹویٹ میں خواجہ سرا فیصل کی تصویر بھی شئیر کی۔ جس کے بعد محکمہ اطلاعات نے فیصل کی ملازمت کا خیرمقدم بھی کیا۔ خیال رہے کہ خواجہ سراں کو آہستہ آہستہ معاشرے میں ان کا مقام مل رہا ہے۔ عام انتخابات 2018 میں بھی پاکستان کی تاریخ میں پہلی مرتبہ ایک خواجہ سرا نے قومی اسمبلی کا الیکشن لڑنے کا اعلان کیانایاب علی نامی خواجہ سرا نے عام انتخابات 2018 میں پنجاب کے حلقہ این اے 141 اوکاڑہ سے آزاد امیدوار کی حیثیت سے الیکشن میں حصہ لینے کا اعلان کیا تھا۔

(جاری ہے)

اس کے علاوہ عام انتخابات 2018 میں خواجہ سراں نے اپنا حق رائے دہی استعمال کیا جو اس بات کا واضح ثبوت ہے کہ خواجہ سراں کو بھی معاشرے میں ایک مقام دے دیا گیا ہے۔جبکہ معاشرے نے بھی ان وجود کو تسلیم کرتے ہوئے مختلف شعبوں میں خواجہ سراں کی خدمات حاصل کرنا شروع کر دی ہیں۔ اس کے علاوہ اپریل 2018 میں لاہور میں خواجہ سراں کا ایک تعلیمی ادارہ بھی کھولا گیا۔ اس اسکول کا نام '' دی جینڈر گارڈین'' رکھا گیا جس میں خواجہ سراں کو پیشہ ورانہ اور تعلیمی ٹریننگ دی جاتی ہے۔خواجہ سرا مارویہ ملک کی سب سے پہلی نیوز اینکر کے طور پر ابھریں۔ جبکہ اگست 2018 میں پاکستان کی تاریخ میں پہلی مرتبہ ایک خواجہ سرا کا بینک اکانٹ کھولا گیا تھا

Facebook Twitter Google + Share on Whatsapp

دریاخان،خواجہ سرا کو اہم ادارے میں ملازمت دیدی گئی

متعلقہ عنوان :

مزید قومی خبریں