فیصل آباد بورڈ کے انٹرمیڈیٹ کے سالانہ امتحان میں شاندار نمبر حاصل کرنے والے طلباء و طالبات ملک کے تابناک مستقبل کی ضمانت ہیں، صوبائی وزیر پبلک پراسیکیوشن پنجاب
بدھ 4 ستمبر 2019 14:37
(جاری ہے)
انہوںنے کہاکہ ہماری اسلامی تعلیمات ہمیں زیادہ سے زیادہ علم حاصل کرنے کی ترغیب دیتی ہیں اسی لئے کہا گیا تھا کہ علم حاصل کرو خواہ اس کیلئے تمہیں چین ہی کیوں نہ جانا پڑے۔
انہوںنے کہاکہ جہاں آج کے پوزیشن ہولڈرز مبارکباد کے مستحق ہیں وہیں ان کے والدین اور ان کے اساتذہ کو بھی سلام پیش کرنا چاہیے جن کی شبانہ روز جدو جہد سے ان کے بچے آج اس مقام پر پہنچے ہیں۔انہوںنے کہاکہ عالم اقوام اور مستقبل میں درپیش چیلنجز سے نمٹنے کیلئے انہیں آئندہ اس سے بھی زیادہ محنت کرنا ہو گی۔انہوںنے کہاکہ آج کے نتائج اور مستقبل کے معماروں کی آنکھوں کی چمک دیکھ کر وہ برملا یہ کہہ سکتے ہیں کہ ملک و قوم کا مستقبل انشاء اللہ انتہائی محفوظ ہاتھوں میں ہے۔انہوںنے کہاکہ یہ نوجوان ملک و قوم کا اثاثہ ہیں کیونکہ انہوں نے ہی مستقبل کے لیڈر بن کر اپنے اپنے شعبہ جات کے ذریعے ملک و قوم کی باگ ڈور سنبھالنا ہے۔انہوںنے کہاکہ وزیر اعلیٰ پنجاب سردار عثمان بزدار کی قیادت میں پنجاب حکومت علم کے فروغ اور تعلیمی شعبے کی ترقی کیلئے انقلابی اقدامات پر عمل پیرا ہے اور اسی مقصد کیلئے رواں مالی سال میں تعلیم کے فروغ کیلئے 383ارب روپے کی ریکارڈ رقم مختص کی گئی ہے جس کی بدولت شعبہ تعلیم کو مزید جدتوں سے ہمکنار کیا جائے گا ۔ انہوںنے انٹرمیڈیٹ کے امتحان میں اعلیٰ پوزیشنیں حاصل کرنے والے ہونہار اور باصلاحیت طالب علموں ، ان کے والدین اور ٹیچرز کو مبارکباد دیتے ہوئے کہا کہ ذہین و باصلاحیت طالب علم وطن عزیز کا روشن مستقبل ہیں جن کی حوصلہ افزائی اور داد کے اقدامات ان پر گہرا اثر چھوڑتے ہیں جس کی بدولت ان میں مزید عزم و ہمت پیدا ہوتی ہے ۔ انہوں نے کہا کہ ترقی اور جدت کے اس دور میں طالب علموں کو تعلیم و تدریس کیلئے جدید سہولیات کی فراہمی حکومت کی اولین ترجیح ہے تاکہ وہ مستقبل کے چیلنجز کا مقابلہ کرنے کے قابل ہوسکیں اور ان کیلئے ترقی کے میدان میں کوئی رکاوٹ حائل نہ ہو ۔ صوبائی وزیر نے کہا کہ ترقی کا میدان طالبعلموں کیلئے کھلا ہے لہٰذا صحت مند مقابلے اور علم کی جستجو میں بھر پور محنت کریں۔ انہوں نے کہا کہ طلبا والدین اور استاد کی عزت اور اسلامی تعلیمات پر صدق دل سے عمل پیرا ہوں جبکہ حکومت انہیں تعلیمی شعبے میں وسائل کی کمی محسوس نہیں ہونے دے گی ۔ انہوں نے کہا کہ یہ ذہین بچوں کیلئے تاریخی دن ہے ۔ انہوں نے کہا کہ وزیر اعظم عمران خان اور وزیر اعلی پنجاب سردار عثمان بزدار نے دیگر شعبوں کی ترقی کے ساتھ تعلیم پر بھی خصوصی توجہ مرکوز کر رکھی ہے کیونکہ جہالت کا خاتمہ کئے بغیر ترقی کا خواب شرمندہ تعبیر نہیں ہو سکتا ۔انہوںنے کہا کہ انہیں باصلاحیت طالب علموں پر فخر ہے جن کی ذہانت ہی ہمارا شاندار اور روشن مستقبل ہے ۔ انہوںنے امتحانی نظام میں جدت لانے اور شفاف نتائج مرتب کرنے پر بورڈ آف انٹرمیڈیٹ کے افسران اور سٹاف کی کاوشوں اور کارکردگی کو سراہا ۔ تقریب کے دوران صوبائی وزیر پبلک پراسیکیوشن نے پوزیشن ہولڈرز طالب علموں میںمیڈلز، لیپ ٹاپس اور نقد انعامات تقسیم کئے ۔ اس موقع پرصوبائی وزیر ترقی خواتین آشفہ ریاض فتیانہ، کئی ممبران اسمبلی ، چیئرپرسن بورڈ آف انٹرمیڈیٹ پروفیسر ڈاکٹر طیبہ شاہین، ایڈیشنل سیکرٹری سکولز ایجوکیشن، اسسٹنٹ کمشنر ہیڈکوارٹرز فیصل آباد سیکرٹری بورڈ چوہدری محمد افضل،کنٹرولر امتحانات مسز شہناز علوی ‘ ڈائریکٹر کالجز کے علاوہ پوزیشن ہولڈرز طلبا و طالبات ،ان کے والدین ‘سرکاری و نجی تعلیمی اداروں کے سربراہان اور اساتذہ کرام بھی موجود تھے ۔مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.