الیکشن کمیشن نے این اے 259 ڈیرہ بگٹی میں دوبارہ پولنگ کا اعلان کر دیا

قومی اسمبلی کے حلقہ این اے 259 کے 29 پولنگ اسٹیشن پر دوبارہ ہو گی،نوٹیفکیشن جاری

منگل ستمبر 21:45

الیکشن کمیشن نے این اے 259 ڈیرہ بگٹی میں دوبارہ پولنگ کا اعلان کر دیا
اسلام آباد (اُردو پوائنٹ اخبارتازہ ترین - این این آئی۔ 24 ستمبر2019ء) الیکشن کمیشن نے این اے 259 ڈیرہ بگٹی میں دوبارہ پولنگ کا اعلان کر دیا۔الیکشن کمیشن کے مطابق قومی اسمبلی کے حلقہ این اے 259 کے 29 پولنگ اسٹیشن پر دوبارہ ہو گی۔نوٹیفکیشن کے مطابق حلقے کے 29 پولنگ اسٹیشنز پر 17 نومبر کو دوبارہ پولنگ کی جائیگی۔

(جاری ہے)

نوٹیفکیشن کے مطابق الیکشن کمیشن نے حلقے میں دوبارہ پولنگ کے احکامات سپریم کورٹ کی ہدایت پر جاری کئے،درخواست گزار میر طارق محمود کیھتران نے شاہ زین بگٹی کے خلاف سپریم کورٹ میں درخواست دائر کر رکھی تھی،الیکشن کمیشن نے حلقے میں ریٹرننگ افسران کے تقرر کا نوٹیفکیشن بھی جاری کر دیا۔

نوٹیفکیشن کے مطابق ضلعی ریٹرننگ افسر عمران احمد، ریٹرننگ افسر سیف الدین اور اسٹنٹ ریٹرننگ تحصیلدار ڈیرہ بگٹی کو تعینات کیا گیا،رٹرننگ افسر پولنگ کے مقررہ اوقات صبح 8 سے شام 5 بجے ووٹنگ کا عمل جاری رکھے گا۔ واضح رہے کہ شاہ زین بگٹی اس وقت تحریک انصاف کی حکومت کا حصہ ہیں۔