عوام راج تحریک ہی وہ پلیٹ فارم ہے جو عمران خان کو رہا کرا سکتا ہے، اقرارالحسن

عمران خان کے نام پر عہدے انجوائے کرنے اور ڈالر کمانے والے جو کام نہیں کرسکے، وہ کام عوام راج تحریک کرکے دکھائے گی؛ اینکرپرسن کا دعویٰ

ساجد علی ہفتہ 2 مئی 2026 11:18

عوام راج تحریک ہی وہ پلیٹ فارم ہے جو عمران خان کو رہا کرا سکتا ہے، اقرارالحسن

لاہور (اُردو پوائنٹ اخبارتازہ ترین۔ 02 مئی2026ء) عوام راج تحریک کے سربراہ اینکرپرسن اقرار الحسن نے دعویٰ کیا ہے کہ عوام راج تحریک ہی وہ پلیٹ فارم ہے جو عمران خان کو رہا کرا سکتا ہے۔

(جاری ہے)

سوشل میڈیا پلیٹ فارم ایکس پر اس حوالے سے اپنے ایک بیان میں انہوں نے کہا کہ عمران خان کے نام پر عہدے انجوائے کرنے اور ڈالر کمانے والے جو کام نہیں کر سکے، وہ کام عوام راج تحریک کر کے دکھائے گی، عوام راج تحریک ہی وہ پلیٹ فارم ہے جو عمران خان کو رہا کرا سکتا ہے۔

عمران خان کے نام پر عہدے انجوائے کرنے اور ڈالر کمانے والے جو کام نہیں کر سکے، وہ کام عوام راج تحریک کر کے دکھائے گی۔۔۔ اس اصول کی بنیاد پر کہ کسی کو بھی سیاسی انتقام کا نشانہ نہیں بننا چاہیے۔ آج عمران خان قید میں ہیں تو غلط ہیں، کل نواز شریف قید میں تھے تو غلط تھا۔ https://t.co/mmbNWF7yCb
— Iqrar ul Hassan Syed (@iqrarulhassan) May 2, 2026

اقرار الحسن کا مزید یہ بھی کہنا ہے کہ جب تک آپ نظام کے مقابلے میں نظام اور ادارے کے مقابلے میں ادارہ نہیں بنائیں گے تب تک عمران خان کی رہائی سمیت کوئی مسئلہ حل نہیں ہونا، اس اصول کی بنیاد پر کہ کسی کو بھی سیاسی انتقام کا نشانہ نہیں بننا چاہیے، آج عمران خان قید میں ہیں تو غلط ہیں، کل نواز شریف قید میں تھے تو غلط تھا۔