فیصل آباد پولیس کا منشیات فروشوں کے خلاف کریک ڈائون ،6منشیات فروشوں سے بھاری مقدار میں چرس اور شراب برآمد

منگل 22 اکتوبر 2019 13:17

فیصل آباد (اُردو پوائنٹ اخبارتازہ ترین - اے پی پی۔ 22 اکتوبر2019ء) فیصل آباد پولیس نے منشیات فروشوں کے خلاف کریک ڈائون کے دوران 6منشیات فروشوںسے بھاری مقدار میں چرس اور شراب برآمد کر لی ہے۔

(جاری ہے)

سٹی پولیس فیصل آباد کے ترجمان نے بتایاکہ پولیس تھانہ غلام محمد آباد نے منشیات فروش اقبال کو گرفتار کر کے اس کے قبضہ سے ایک کلو 380گرام چرس ،پولیس تھانہ گلبرگ نے ملزم حنان کو گرفتار کر کے اس کے قبضہ سے 14لیٹر شراب ، پولیس تھانہ صدر فیصل آباد نے ملزم گلزار کو گرفتار کر کے اس کے قبضہ سے 18لیٹر شراب ،تھانہ صدر پولیس نے ہی ملزم کلیم کو گرفتار کر کے 15لیٹر شراب اور ملزم جمال کو گرفتار کر کے اسکے قبضہ سے 18لیٹر شراب جبکہ پولیس تھانہ بٹالہ کالونی فیصل آباد نے ملزم آفتاب سموئل کو گرفتار کر کے اس کے قبضہ سے 30لیٹر شراب برآمد کر لی ہے۔

انہوںنے بتایاکہ ملزمان کے خلاف مقدمات درج کر کے مزید کاروائی کا آغاز کر دیا گیا ہے۔