لیاقت پور تیز گام ایکسپریس حادثہ، ریلوے ہیلپ لائن قائم کردی گئی

جمعرات 31 اکتوبر 2019 13:11

لاہور (اُردو پوائنٹ اخبارتازہ ترین - اے پی پی۔ 31 اکتوبر2019ء) ترجمان ریلوے کی مطابق چیئرمین ریلویز سکندر سلطان راجہ کی ہدایت پر انتظامیہ نے تیزگام ٹرین کے زخمی اور جاں بحق ہونے والے مسافروں سے متعلق معلومات کے حصول کے لیے ہیلپ لائن قائم کردی ہے، انہوں نے بتایا ڈویژنل سپرنٹنڈنٹ ، ڈویژنل کمرشل آفیسر اور ڈویژنل میڈیکل آفیسر بھی حادثہ کی اطلاع ملتے ہی جائے حادثہ پر پہنچ گئے،ترجمان نے بتایا کہ ان نمبروں پرفون کرکے حادثہ اور زخمی و جاں بحق افراد سے متعلق معلومات حاصل کی جاسکتی ہے، ملتان ڈویژن 0619200382 ، ڈی سی او ملتان 0311-4403720،حیدرآباد انکوائری 0300-3026200، لاہور کنٹرول آفس 042-99201795 ، سکھر کنٹرول آفس 071-9310087، کراچی 021-99213528، ڈویژنل کمرشل آفیسرکراچی 0346-8328023۔

(جاری ہے)

ترجمان کے ،مطابق لیاقت پور کے قریب تیز گام ایکسپریس کی تین بوگیوں میں آگ لگنے کی جگہ پر ریسکیو آپریشن جاری ہے، ریلوے ڈویژنل افسران انتظامیہ کے ساتھ مل کر ریسکیو آپریشن میں مصروف ہیں۔ سی ای او ریلوے اعجاز بریرو،چیف مکینیکل انجینئر کیرج اینڈ ویگن ، چیف الیکٹریکل انجینئر اور چیف کمرشل منیجر حادثے کی اطلاع ملتے ہی جائے حادثہ کی طرف روانہ ہوئے۔