عوام انسداد پولیو مہم کے ذریعے اس موذی مرض پر قابو پانے میں کر دار کریں ، فردوس عاشق اعوان

بچوں کوپولیو کے قطرے پلانا اشد ضروری ہے، عوام میں مزید آگاہی اور شعور بیدار کیا جا رہا ہے، معاون خصوصی

ہفتہ 14 دسمبر 2019 12:25

عوام انسداد پولیو مہم کے ذریعے اس موذی مرض پر قابو پانے میں کر دار کریں ..

اسلام آباد(اُردو پوائنٹ اخبارتازہ ترین - این این آئی۔ 14 دسمبر2019ء) وزیراعظم کی معاون خصوصی فردوس عاشق اعوان نے کہا ہے کہ عوام سے اپیل ہے کہ انسدادِ پولیو مہم کے ذریعے اس موذی مرض پر قابو پانے میں کردار ادا کریں۔ ٹوئٹر پر اپنے بیان میں وزیراعظم کی معاون خصوصی فردوس عاشق اعوان نے کہاکہ وزیراعظم عمران خان کی قیادت میں حکومت ملک کو پولیو سے نجات دلانے کے لئے ہر ممکن اقدام اٹھا رہی ہے، ہم سب ایک صحت مند پاکستان کیلئے یکجان اور پرعزم ہیں۔

(جاری ہے)

عوام سے اپیل ہے کہ انسدادِ پولیو مہم کے ذریعے اس موذی مرض پر قابو پانے میں کردار ادا کریں اورمعاشرے کو صحتمند بنائیں۔فردوس عاشق اعوان نے کہا کہ بچوں کوپولیو کے قطرے پلانا اشد ضروری ہے،اس ضمن میں عوام میں مزید آگاہی اور شعور بیدار کیا جا رہا ہے۔ پولیو ویکسین کے قطرے صحتمند پاکستان کی ضمانت ہیں۔ اٴْن پولیو ورکرزکو سلام پیش کرتے ہیں جو شدت پسندوں کے ہاتھوں نشانہ بننے کے باوجود اپنے فرائض تندہی سے انجام دے رہے ہیں۔