افغانستان، مزارشریف میں 2 مختلف بم دھماکوں میں 2 بچے جاں بحق ، پولیس اہلکارسمیت 9 شہری زخمی

منگل 14 جنوری 2020 18:02

مزارشریف۔ (اُردو پوائنٹ اخبارتازہ ترین - اے پی پی۔ 14 جنوری2020ء) افغانستان کے شمالی صوبہ بالخ کے دارالحکومت مزارشریف میں 2 مختلف بم دھماکوں میں 2 بچے جاں بحق اور ایک پولیس اہلکارسمیت 9 شہری زخمی ہو گئے۔

(جاری ہے)

چینی خبر رساں ادارے کے مطابق صوبائی پولیس کے ترجمان عادل شاہ عادل نے بتایا کہ پہلا دھماکہ مزارشریف میں ڈسٹرکٹ پولیس 2 میں منگل کی صبح رش کے اوقات میں ہوا جس میں 2 بچے جاں بحق اور 8 شہری زخمی ہو گئے، دھماکے کے بعد پولیس اور ریسکیو ٹیمیں موقع پر پہنچ گئیں جبکہ دوسرا دھماکہ اس 20 منٹ بعد ہوا جس میں ایک پولیس اہلکار زخمی ہو گیا، زخمیوں اور جاں بحق بچوں کو قریبی ہسپتال منتقل کر دیا گیا ہے۔

ابتدائی تفتیش کے مطابق دھماکے دھماکہ خیر مواد نصب کرنے کی وجہ سے ہوئے۔ دھماکوں کی ذمہ داری کسی گروپ نے قبول نہیں کی۔