ْ وزیر اعلی پنجاب کے حوالے سے افواہیں پھیلائی جارہی تھیں جو دم توڑ گئیں،فیاض الحسن چوہان
پنجاب میں گندم کا کوئی بحران نہیں،وزیر اعلیٰ پنجاب نے آٹے کے حوالے سے اہم اقدامات اٹھائے ہیں،380ملز مالکان کیخلاف کاروائیاں کی گئیں،سوا کروڑ روپے کے جرمانے کیے ہیں، وزیر اطلاعات پنجاب عوامی مسائل کے حل کیلئے ریکارڈ ترقیاتی کام کیے ہیں ،سوئی گیس کی 50فیصد کمی دور کردی گئی ہے ،پینے کے پانی کی فراہمی کے لیے اب تک 20ٹیوب ویل لگائے جاچکے ہیں،پریس کانفرنس سے خطاب
اتوار 19 جنوری 2020 20:05
(جاری ہے)
178فلور ملز مالکان کے خلاف ایکشن لیا گیا 15فلور ملز کے لائسنس معطل کئے گئے۔170 فلور ملز کا کوٹہ معطل کیا گیا اور سوا نو سو کروڑ روپے کے جرمانے کئے گئے۔
قصور وار پائے جانے والے ڈسٹرکٹ فوڈ افسران اور ڈپٹی ڈائریکٹر ز فوڈ کو معطل کیا گیا ۔انہوں نے کہا کہ فلور ملز اور چکی کے آٹے میں پانچ سے 10روپے کی قیمت کا فرق ہوتا ہے۔لیکن اس صورت حال کو بڑھا چڑھا کر پیش کیا گیا ۔فیاض الحسن چوہان نے کہا کہ وزیراعلی پنجاب سردار عثمان بزار کی قیادت میں صوبے میں ریکارڈ ترقیاتی کام ہو رہے ہیں۔8یونیورسٹیوں کا قیام عمل میں لایا جارہا ہے۔9ہسپتال بن رہے ہیں۔پنجاب میں ٹیکسوں کی وصولی کی شرح 104فیصد ہے ۔35فیصد بجٹ جنوبی پنجاب پر خرچ کیا جارہا ہے۔جس سے آب جنوبی پنجاب کا کوئی گلہ شکوہ باقی نہیں رہا۔صوبے میں آدھی سے زائد وزارتوں کی پالیسیاں بنا کر نمایاں کارکردگی کا مظاہرہ کیا گیا ہے۔پنجاب میں60فیصد اضلاع میں صحت کارڈز تقسیم کئے جاچکے ہیں۔صوبائی وزیراطلاعات فیاض الحسن چوہان نے کہا کہ پنجاب کے سالانہ ترقیاتی پروگرام کے تحت 178ارب خرچ کئے گئے ہیں۔اور پبلک پرائیویٹ پارٹنرشپ کے تحت گذشتہ 5سالوں کی نسبت 42ارب روپے کے ترقیاتی منصوبوں پر خرچ کئے گئے ہیں۔انہوں نے کہا کہ اگروہ بزدار حکومت کے ترقیاتی کاموں کی تفصیل بیان کرنا شروع کردیں تو بات تین گھنٹے میں بھی مکمل نہ ہو۔انہوںنے کہا کہ کابینہ کے حکومتی بینچوں کے سو فیصد اراکین کی وزیراعلی پنجاب کو حمایت حاصل ہے مسئلہ کشمیر کے حوالے سے ایک سوال کے جواب میں فیاض الحسن چوہان نے کہا کہ مولانا فضل الرحمن کے نحوست بھر ے دھرنے نے کشمیر کاز کو نقصان پہنچایا اور اس ایشو سے توجہ ہٹائی ۔لیکن اس کے باوجود وزیراعظم پاکستان عمران خان نے کشمیر ایشو کو سرد خانے کا شکار نہیں ہونے دیا اور بین الاقوامی سطح پر کشمیر ی عوام کے حق کی حمایت جاری رکھی ہے اور اب عوامی جمہوریہ چین نے بھی بھارت کے کشمیر موقف کی وضاحت طلب کی ہے۔انہوں نے کہا کہ مقبوضہ کشمیر میں بدستور کرفیو جاری ہے اور انسانی حقوق کی سنگین پامالی کی جارہی ہے جس پر حکومت پاکستان اور پاکستان کے عوام سر اپا احتجاج ہیں۔فیاض الحسن چوہان نے اس موقع پر کہا کہ ملکی سالمیت کا دفاع اور تحفظ ہر شے پر مقد م ہے اور افواج پاکستان نے اس سلسلے میں اپنا کردار بخوبی نبھایا ہے ۔ایک اور سوال کے جواب میں انہوں نے کہا کہ عوامی مسائل کے حل کے لیے اانہوں نے حلقہ میں ریکارڈ ترقیاتی کام کیے ہیں سوئی گیس کی 50فیصد کمی دور کردی گئی ہے ۔پینے کے پانی کی فراہمی کے لیے اب تک 20ٹیوب ویل لگائے جاچکے ہیں۔مزید اہم خبریں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.