مظفرگڑھ۔وزیر اعظم پاکستان عمران خان کے ویژن کے مطابق مظفرگڑھ کو سر سبز و شاداب بنانا ہے،ڈپٹی کمشنر

پیر 17 فروری 2020 23:52

مظفرگڑھ۔ (اُردو پوائنٹ اخبارتازہ ترین - اے پی پی۔ 17 فروری2020ء) ڈپٹی کمشنر انجینئر امجد شعیب خان ترین نے کہا ہے کہ وزیر اعظم پاکستان عمران خان کے ویژن کے مطابق ہم نے اپنے ضلع مظفرگڑھ کو سر سبز و شاداب بنانا ہے جس کے لئے معاشرے کے تمام طبقات کی معاونت سے ضلع بھر میں لاکھو ں پودے لگائے جائیں گے۔

(جاری ہے)

یہ بات انہوں نے شجر کاری مہم میں پیٹرول پمپ ایسوسی ایشن کو شامل کرنے کیلئے پیٹرول پمپ ایسوسی ایشن کے عہدیداروں کے ساتھ ایک اجلاس کی صدارت کرتے ہوئے کہی۔

انہوں نے کہا کہ شجر کاری کرنا ایک نیکی کا عمل ہے جس سے نہ صرف ماحول خوبصورت ہوتا ہے بلکہ ماحولیاتی آلودگی کا خاتمہ بھی ہوتا ہے۔ انہوں نے کہا کہ محکمہ جنگلات کے پاس ہزاروں ایکڑ اراضی موجود ہے جس پر سول سوسائٹی، غیر سرکاری تنظیموں، طلباء اور دیگر طبقات کے ساتھ مل کر پودے لگائے جائیں گے۔