زیر حراست افراد کو چھڑانے والے رہنماتحریک انصاف کی رہائی کے بعد پولیس کودھمکیاں

لاہور (اردو پوائنٹ اخبار تازہ ترین 25 فروری 2020ء ) زیر حراست افراد کو چھڑانے والے رہنماتحریک انصاف محمد حسین ڈوگررہائی کے بعد بھی پولیس کودھمکیاں دیتے رہے ، تفصیلات کے مطابق چوکی انچارج سے جھگڑا کرنے والے محمد حسین ڈوگر ضمانت پر رہا ہوگئے۔ رہا ہونے کہ بعد محمد حسین نے کہا کہ کل پولیس کی وردی پھاڑدی کون سا مجھے پھانسی لگا دی گئی۔ کارکنوں کو پولیس کیخلاف ورغلاتے ہوئے حسین ڈوگر نے کہا کہ ہمت کروں پولیس ایسے ہی ٹھیک ہوگی۔

واضح رہے محمد حسین ڈوگر نے پولیس پر رشوت طلب کا الزام بھی عائد کیا۔ محمد حسین ڈوگر کا کہنا ہے کہ اسی گاوٴں کے لوگ پیسے لے کر معاملات حل کراتی ہے۔ زیر حراست افراد چھڑانے پر پاکستان تحریک انصاف کے رہنما کو گرفتار کر لیا گیا تھا ۔

(جاری ہے)

بتایا گیا کہ لڑکی کو پولیس حراست سے آزاد کرانے پر پولیس اے ایس آئی اور پی ٹی آئی کے رہنما کے درمیان جھگڑا ہو گیا۔

سابق ایم پی اے و ایم این اے کے ٹکٹ ہولڈر کو تھانہ صدر پولیس نے گرفتار کیا۔سردار محمد حسین ڈوگر کے فارم ہاؤس پر سبزی لوڈ کرنے کے دوران کچھ افراد و خواتین کے درمیان جھگڑا ہو گیا تھا۔ پولیس چوکی نور پور نے خواتین اور کچھ افراد کو گرفتار کر لیا۔خبر ملتے ہی پی ٹی آئی رہنما سردار محمد حسین ڈوگر موقع پر پہنچ گئے،پولیس اے ایس آئی محمد اشرف سے اپنے مزدوروں کو چھڑا لیا جس میں خواتین بھی شامل تھیں۔

تھانہ صدر پولیس نے پی ٹی آئی رہنما کو گرفتار کر کے ان کے خلاف مقدمہ بھی درج کر لیا ۔ذرائع کے مطابق رات گئے تھے تحریک انصاف کے مقامی رہنما صدر قصور بار مہر سلیم ایڈوکیٹ و دیگر پولیس افسروں کے ساتھ صلح کی کوشش کرتے رہے۔واضح رہے کہ سردار حسین نے این اے 139 سے پی ٹی کی تکٹ پر الیکشن بھی لڑا تھا۔پیپلز پارٹی کے تخٹ پر دو مرتبہ ایم پی اے بھی رہ چکے ہیں۔