پاک بحریہ کے زیر اہتمام ہندتوا نظریے اوراس کے اثرات پر پی این وار کالج لاہور میں سیمینار کا انعقاد

بدھ فروری 20:59

پاک بحریہ کے زیر اہتمام ہندتوا نظریے اوراس کے اثرات پر پی این وار کالج ..
اسلام آباد (اُردو پوائنٹ اخبارتازہ ترین۔ 26 فروری2020ء) میری ٹائم سینٹر آف ایکسلینس کے زیر اہتمام پاکستان نیوی وار کالج لاہور میں ہندتوا نظریہ اور خطے پراس کے اثرات سے متعلق ایک اہم سیمینار کا انعقاد کیا گیا۔ اس سیمینار میں سرکاری و نجی شعبے کے ساتھ ساتھ لاہور کی ممتاز یونیورسٹیوں کے اسکالرز، اساتذہ اور طلباء کی بڑی تعداد نے شرکت کی۔

نشست کے دوران ممتاز مقررین نے ہندتوا نظریات کے متعدد پہلووں اور مقبوضہ کشمیر میں انسانی حقوق کی پامالی اور خلاف ورزیوں پر روشنی ڈالی گئی۔

مزید برآں نشست کے دوران آر ایس ایس کے ذریعے بی جے پی حکومت کے ہندتوا نظریہ کا انکشاف کیاگیا۔ اس کے علاوہ مقررین نے مقبوضہ کشمیر میں بھارت کے غیر فطری تشدد کی وجہ سے جنوبی ایشین خطے میں پیش آنے والے ممکنہ تصادم کی نشاندہی بھی کی۔

(جاری ہے)


یہ سیمینارمیری ٹائم سینٹر آف ایکسلینس کے زیر اہتمام منعقد ہونے والا پہلا سیمینار ہوتھا جس میں مقبوضہ کشمیر پر بھارت کے مظالم کو واضح طور پر اجاگر کیا اور حق خودارادیت کے ناگزیر حق کے حصول کے لئے کشمیریوں کی بہادری اور جائز جدوجہد پر بھی زور دیاگیا۔


پاک بحریہ نے گذشتہ سال پی این وار کالج لاہور میں میری ٹائم سینٹر آف ایکسلینس کا قیام عمل میں لایا گیا جس کا مقصد قومی سلامتی سے وابستہ سمندری امور سے متعلق افہام و تفہیم کو فروغ دینا ہے۔ میری ٹائم سینٹر آف ایکسلینس قومی مرکز کے طور پر کام کرتا ہے جس میں بیک وقت میری ٹائم سیکیورٹی اور بلیو اکانومی پر علمی اور تحقیقی کا م سرانجام دیاجاتا ہے۔