عوام حکومتی اداروں کے ساتھ مکمل تعاون کریں، تمام اقدامات آپ کی حفاظت کے لیے ہیں،

مشکل کی اس آزمائشی گھڑی میں صاحب استطاعت لوگ زیادہ سے زیادہ صدقات دیں وزیراعظم آزادکشمیر راجہ محمد فاروق حیدر خان کا ویڈیو پیغام

ہفتہ 21 مارچ 2020 19:31

اسلام آباد ۔ (اُردو پوائنٹ اخبارتازہ ترین - اے پی پی۔ 21 مارچ2020ء) وزیراعظم آزادکشمیر راجہ محمد فاروق حیدر خان نے کہا ہے کہ عوام حکومتی اداروں کے ساتھ مکمل تعاون کریں، تمام اقدامات آپ کی حفاظت کے لیے ہیں۔ مشکل کی اس آزمائشی گھڑی میں صاحب استطاعت لوگ زیادہ سے زیادہ صدقات دیں۔

(جاری ہے)

ہفتہ کو اپنے ایک ویڈیو پیغام میں راجہ فاروق حیدر نے عوام پر زور دیا ہے کہ وہ کرونا وائرس پر قابو پانے کیلئے حکومتی اداروں کیساتھ مکمل تعاون کریں۔

انہوں نے کہا کہ کورونا نے دنیا میں تباہی مچائی ہے ، شہری بچاو کے لیے حفاظتی اقدامات کریں۔مظفرآباد/کورونا وائرس سے بچاو کے لیے حکومتی اقدمات کامیاب بنانے کے لیے سول سوسائٹی وکلا تاجران آگے آئیں۔شہری غیر ضروری گھروں سے باہر مت نکلیں اور احتیاطی اقدمات بروئے کار لائیں ۔