آزادی صحافت کی لڑائی میں حکومت کا رویہ ناقابل برداشت ہے ،انجینئر حافظ سرفراز احمد

عمر جمشید پیر 23 مارچ 2020 17:34

جہلم (اُردو پوائنٹ اخبارتازہ ترین۔ 23 مارچ2020ء،نمائندہ خصوصی،طارق مجید کھوکھر) آزادی صحافت کی لڑائی میں حکومت کا رویہ ناقابل برداشت ہے جبکہ تمام کاروائی قانون کے مطابق ہونا ضروری ہے ان خیالات کا اظہار پاکستان پیپلزپارٹی کے مرکزی رہنما انجینئر حافظ سرفراز احمد نے آج صحافیوں سے گفتگو کرتے ہوئے کیا انہوں نے کہاکہ قابل افسوس بات یہ ہے کہ اس وقت ملک کرونا وائرس کے خاتمے کے لیے عوام کے ساتھ مل کر جہاد کررہا ہے دوسری طرف حکومتی اقدامات پر ملک کے سب سے بڑے چینل جیو اور اخبار جنگ کے ایڈیٹر انچیف میر شکیل الرحمان کو بغیر تحقیقات کے نیب کی طرف سے گرفتار کرنا ایک بھونڈا عمل ہے جس کی پوری قوم بھرپور مذمت کرتی ہے انہوں نے کہاکہ آج تک نیب نے جو بھی کاروائی کی اس میں جن پر انہوں نے الزام لگائے وہ نا تو ثابت ہوسکیں بلکہ انہی لوگوں کو بیرون ملک بھجوا دیاگیا کہ یہی اس حکومت کا وطیرہ ہے انہوں نے کہاکہ آج حکومت کو تمام جماعتوں کے ساتھ مل کر ملک چلانے کے لیے اور کرونا وائرس کو ختم کرنے کے لیے لائحہ عمل اختیار کرنا ہوگا جس میں سب سے پہل وزیراعلی سندھ مراد علی شاہ نے کی ہے اور سب جماعتوں نے اس پر اتفاق کا اظہار کرکے ایک ایسا لائحہ عمل بنایا ہے کہ ہماری جماعت کا پورے ملک میں وقار بلند ہوا ہے۔

(جاری ہے)

انہوں نے کہاکہ میر شکیل الرحمان کو رہا کرکے ان کیخلاف اگر کوئی الزام ہے اور ثبوت ہیں تو اس کی غیر جانبدارانہ تحقیقات کرکے قانون کے تقاضے پورے کیے جائیں اور انہیں فی الفور رہا کیا جائے جبکہ جیو کے خلاف جو سازش پیمرا کررہی ہے اسے بند کرکے جیو کو اس کے پہلے نمبروں پر لایا جائیے۔