آزادکشمیر کے تمام اضلاع میں 26قرنطینہ سنٹر قائم کیے گئے ہیں،راجہ محمد فاروق حیدر

بدھ 25 مارچ 2020 23:00

مظفرآباد ۔ (اُردو پوائنٹ اخبارتازہ ترین - اے پی پی۔ 25 مارچ2020ء) وزیر اعظم آزادکشمیر راجہ محمد فاروق حیدر خان نے کہا ہے کہ آزادکشمیر کے تمام اضلاع میں 26قرنطینہ سنٹر قائم کیے گئے ہیں۔ تمام اضلاع میں ڈاکٹر اور پیرا میڈیکل سٹاف کے لیے حفاظتی سامان پہنچا دیا گیا ہے۔ وزیر اعظم نے کہا کہ جو قیدی سنگین جرائم میں ملوث نہیں انہیں ضمانتوں پر رہا کیا جا رہا ہے۔

وفاق کا نام صر ف چار صوبے نہیں بلکہ آزادکشمیر اور گلگت بلتستان بھی اس کا حصہ ہیں۔ وہ مسلم لیگ ن کے صد ر محمد شہباز شریف کی زیرصدارت مسلم لیگ ن کے اعلی ٰ سطحی اجلاس سے خطاب کر رہے تھے۔ اجلاس میں چیئرمین مسلم لیگ ن راجہ ظفر الحق، سابق وزیر اعظم شاہد خاقان عباسی،مریم نواز شریف، رانا ثنا ئ اللہ، امیر مقام و دیگر نے شرکت کی۔

(جاری ہے)

محمد شہباز شریف نے کہا کہ آزادکشمیر کی ہماری قیادت اور وزیر اعظم آزادکشمیر نے بر وقت اقدامات اٹھائے جس کے باعث آج آزادکشمیر میں صور تحال حوصلہ افزا ہے۔

ہم سب مل کر اس وبائ کا نا صر ف مقابلہ کر سکتے ہیں بلکہ اس سے چھٹکارہ بھی حاصل کر سکتے ہیں۔ مسلم لیگ ن آزادکشمیر کے عوام کے ساتھ ہے۔ مشکل وقت میں ہم ایک دوسرے کے شانہ بشانہ ہیں۔ وزیر اعظم آزادکشمیر نے اس موقع پر کہا کہ آزادکشمیر حکومت اور عوام مل کر اس وباء سے نمٹیں گے