پولیس نے سگی بیٹی سے زیادتی کی کوشش کرنے والا درندہ صفت باپ کو گرفتار کرلیا

منگل 12 مئی 2020 18:14

راولپنڈی12مئی(اُردو پوائنٹ اخبارتازہ ترین - اے پی پی۔ 12 مئی2020ء) تھانہ نصیر آباد پولیس نے کارروائی کرتے ہوئے سگی بیٹی سے زیادتی کی کوشش کرنے والا درندہ صفت باپ کو گرفتار کرلیا۔ متاثرہ لڑکی کی والدہ کی درخواست پر تھانہ نصیر آباد میں مقدمہ درج کیا گیا۔

(جاری ہے)

تفصیلات کے مطابق سٹی پولیس آفیسر محمد احسن یونس نے بچوں وعورتوں سے زیادتی اور استحصال کرنے والوں کے خلاف کاروائیوں کے احکامات جاری کر رکھے ہیں، متاثرہ لڑکی کی والدہ نے تھانہ نصیر آباد میں درخواست دی کہ اس کے خاوند نے اپنی سگی بیٹی کے ساتھ زیادتی کرنے کی کوشش کی، جس پر تھانہ نصیر آباد میں مقدمہ درج کیا گیا،ایس پی پوٹھوہار ڈویژن سید علی نے واقعہ کا نوٹس لیتے ہوئے ملزم کو ٹریس کر کے گرفتار کرنے کا حکم دیا، ایس ایچ اونصیر آباد نے اپنی ٹیم کے ہمراہ کارروائی کرتے ہوئے بیٹی سے زیادتی کی کوشش کرنے والا درندہ صفت باپ ملزم ندیم کو گرفتار کر لیا، سی پی او محمد احسن یونس نے ایس پی پوٹھوہاراور نصیر آباد پولیس کو شاباش دیتے ہوئے کہا کہ بچوں و عورتوں سے زیادتی اور استحصال کرنے والوں کے خلاف زیر و ٹالیرنس پالیسی ہے،ملزم کو ٹھو س شواہد کے ساتھ چالان کر کے عدالت سے سخت سزادلوائی جائے۔