کوروناوائرس: مقبوضہ جموں و کشمیر میں متاثرین کی کل تعداد 919 ہوگئی

منگل 12 مئی 2020 21:10

سری نگر(اُردو پوائنٹ اخبارتازہ ترین - آن لائن۔ 12 مئی2020ء) جموں و کشمیر میں پیر کے روز مزید 18 افراد کورونا وائرس سے متاثر پایا گیا اور اس طرح متاثرین کی کل تعداد 919ہوگئی۔ بھارتی میڈیا رپورٹ کے مطابق مقبوضہ جموں و کشمیر انتظامیہ کی طرف سے جاری کئے گئے روزانہ میڈیا بلیٹن میں بتایا گیا ہے کہ نوول کورونا وائرس کے 879 مثبت کیسز سامنے آئے ہیں جن میں سے 442 ایکٹوہیں۔

دس کی موت واقع ہوئی ہے۔ اب 427 افراد شفایاب ہوئے ہیں۔لداخ میں مثبت کیسز کی تعداد 42ہے۔اب تک 95419 افراد کو نگرانی میں رکھا گیا ہے جن کا سفری پس منظر ہے اور جو مشتبہ معاملات کے رابطے میں آئے ہیں۔ ان میں 22708 افراد کو ہوم کورنٹین میں رکھا گیا ہے جس میں سرکار کی طرف سے چلائے جارہے قرنطینہ مراکز بھی شامل ہیں۔

(جاری ہے)

442 کو ہسپتال آئیسولیشن میں رکھا گیا ہے جبکہ 10188 افراد کو گھروں میں نگرانی میں رکھا گیا ہے۔

اسی طرح بلیٹن کے مطابق 61881 افراد نے 28 روزہ نگرانی مدت پوری کی ہے۔ رپورٹ کے مطابق کہ اب تک 51334 ٹیسٹوں کے نتائج دستیاب ہوئے ہیں جن میں سے 10 مئی 2020 کی شام تک 50455 نمونوں کی رِپورٹ منفی پائی گئی ہے۔پیر کو44 مریض صحتیاب ہوئے ہیں۔ رپورٹ کے مطابق ضلع بانڈی پورہ میں اب تک 134 مثبت کیسزسامنے آئے ہیں جن میں سے 26 ایکٹوہیں، 107 مریض صحتیاب ہوئے ہیں جبکہ ایک کی موت واقع ہوئی ہے۔سرینگر میں اب تک کوروناوائرس کے 136 کیسزکی تصدیق ہوئی ہے جن میں سے 56 سرگرم کیسزہیں ۔76 مریض صحتیاب ہوئے ہیں جبکہ چار کی موت واقع ہوئی ہے۔ضلع بارہمولہ میں اب تک کورونا مریضوں کی تعداد 109 ہوئی ہیں جن میں سے 61 سرگرم کیسزہیں اور 45 مریضوں کی موت واقع ہوئی ہے اور 45 صحتیاب ہوا ہے۔