Live Updates

ْ مولانا فضل الرحمان کا جمعتہ الوداع، عید الفطر اور ختم القرآن کی تقاریب کرانے کا اعلان

حکومتی رویہ مجبور کررہاہے ایسا اقدام اٹھائیں، مساجد کے ساتھ ایک رویہ اور بازاروں مارکیٹوں، منڈیوں کیساتھ دوسرا رویہ قابل تشویش ہے، مساجد میں مکمل احتیاطی تدابیر بہرصورت اختیار کی جائیں،سربراہ جے یو آئی

پیر مئی 14:52

ْ مولانا فضل الرحمان کا جمعتہ الوداع، عید الفطر اور ختم القرآن کی ..
اسلام آباد (اُردو پوائنٹ اخبارتازہ ترین - این این آئی۔ 18 مئی2020ء) جمعیت علمائے اسلام (ف) کے سربراہ مولانا فضل الرحمان نے جمعة الوداع، عید الفطر اور ختم القرآن کی تقاریب کرانے کا اعلان کر تے ہوئے کہا ہے کہ حکومتی رویہ مجبور کررہاہے کہ ایسا اقدام اٹھائیں، مساجد کے ساتھ ایک رویہ اور بازاروں مارکیٹوں، منڈیوں کیساتھ دوسرا رویہ قابل تشویش ہے، مساجد میں مکمل احتیاطی تدابیر بہرصورت اختیار کی جائیں۔

پیر کو جمعیت علماء اسلام کے سربراہ مولانا فضل الرحمن نے اپنے پیغام میں کہاکہ ہم نے پہلے دن ہی سیاست سے ہٹ کر حکومتی اقدام کی حمایت کا اعلان انسانیت کے خاطر کیا، نہ صرف مدارس کو بند کیا بلکہ جمعیت کے جلسے اجلاس تک ملتوی کئے اور اپنے رضاکار خدمت کے لئے پیش کئے۔

(جاری ہے)

مولانا فضل الرحمن نے مساجد مین جمعة الوداع کے اجتماعات ختم القرآن کی تقاریب اور عید کے اجتماعات کرنے کا اعلان کیا ۔

مولانا فضل الرحمن نے کہاکہ حکومتی رویہ مجبور کررہاہے کہ ایسا اقدام اٹھائیں۔ انہوںنے کہاکہ مساجد کے ساتھ ایک رویہ اور بازاروں مارکیٹوں، منڈیوں کیساتھ دوسرا رویہ قابل تشویش ہے ،ایسا لگ رہا ہی کہ کرونا کو بہانہ بناکر مذہب کو نشانہ بنایا جارہا ہے، مساجد میں مکمل احتیاطی تدابیر بہرصورت اختیار کی جائیں۔ مولانا فضل الرحمن نے اپیل کی کہ عید پر کارکنان اپنے گھروں تک محدود رہیں اس بار عید کی مبارک کے لئے کہیں سفر نہ کریں۔
کرونا وائرس کی تباہ کاریاں سے متعلق تازہ ترین معلومات