مقبوضہ کشمیر ،زخمی کشمیری طالب علم زخموںکی تاب نہ لاتے ہوئے شہید ہو گیا

جمعرات 21 مئی 2020 00:16

سرینگر (اُردو پوائنٹ اخبارتازہ ترین - این این آئی۔ 20 مئی2020ء) مقبوضہ کشمیر میںگزشتہ روز بھارتی فوجیوں اور مجاہدین کے درمیان سرینگر میںایک جھڑپ کے دوران زخمی ہونے والا ایک کشمیری لڑکا زخموںکی تاب نہ لاتے ہوئے شہید ہوگیا۔

(جاری ہے)

کشمیرمیڈیاسروس کے مطابق بارہ سالہ باسم اعجازجو ساتویں جماعت کا طالب علم تھا گزشتہ روز سرینگر کے علاقے نوا کدل میںمجاہدین اور بھارتی کے درمیان جھڑپ کے بعد ایک مکان منہدم ہونے کی وجہ سے تین دیگر کشمیریوں کے ہمراہ شدید زخمی ہو گیا تھا جو بدھ کو زخموںکی تاب نہ لاتے ہوئے چل بسا ۔

باسم اعجازجو ساتویں جماعت کا طالب علم تھاسرینگر کے ایس ایم ایچ ایس ہسپتال میں زیر علاج تھا ۔ یاد رہے کہ گزشتہ روز نوا کدل میں ایک جھڑپ کے دوران حزب المجاہدین کے اعلی کمانڈر جنید صحرائی اپنے ایک ساتھی طارق احمد کے ہمراہ شہید ہو گئے تھے۔