وزیر اعظم عمران خان نے ملک سے بدعنوانی کے خاتمہ کے لئے بڑا اقدام اٹھایا ہے ،چینی بحران سے متعلق فرانزک رپورٹ منظر عام پر لانا نمایاں پیش رفت ہے،وزیر برائے پارلیمانی امور علی محمد خان

جمعہ 22 مئی 2020 23:45

اسلام آباد ۔ (اُردو پوائنٹ اخبارتازہ ترین - اے پی پی۔ 22 مئی2020ء) وزیر برائے پارلیمانی امور علی محمد خان نے کہا ہے کہ وزیر اعظم عمران خان نے ملک سے بدعنوانی کے خاتمہ کے لئے بڑا اقدام اٹھایا ہے ،چینی بحران سے متعلق فرانزک رپورٹ منظر عام پر لانا نمایاں پیش رفت ہے۔ جمعہ کو نجی ٹی وی چینل سے بات چیت کرتے ہوئے انہوں نے کہا کہ اس معاملہ پر تحقیقات کرنا اور اسے پبلک کرنا آسان نہ تھا پی پی پی اور ن لیگ والے ایسا سوچ بھی نہیں سکتے تھے۔

(جاری ہے)

انہوں نے کہا کرپشن کو جڑسے اکھاڑنے کے لئے اب قواعد و ضوابط بننے چاہیں۔ انہوں نے کہا کہ کابینہ کے ارکان نے کہا ہے کہ چینی بحران کے ذمہ داروں کو سزا ملنی چاہیے ۔ انہوں نے کہا کہ اب اس معاملہ پر ایف آئی اے آگے آئے اور ذمہ داران کے خلاف عدالتی کارروائی ہو۔ ایک سوال پر انہوں نے کہا کہ اگر ہم روایتی سیاست سے باہر نہ نکلیں تو ترقی نہیں کرسکیں گے، اپوزیشن میں رہ کر تنقید کرنا آسان ہوتا ہے حکومت میں آکر حالات بہتر بنانا آسان نہیں ،وزیر مملکت نے کہا کہ پی ٹی آئی کی حکومت بدعنوان عناصر کے خلاف کارروائی کرے گی تاکہ ملک میں خوشحالی لائی جاسکے ۔

Facebook Twitter Google + Share on Whatsapp

متعلقہ عنوان :

مزید قومی خبریں