چیئرمین بی اوی آئی عاطف بخاری کی چیئر مین فیڈمک میاں کاشف اشفاق سے ملاقات
حکومت علامہ اقبال انڈسٹریل سٹی میں مقامی و غیر ملکی سرمایہ کاروں کی سہولت کے لئے خصوصی اقدامات کرے گی‘عاطف بخاری
ہفتہ 23 مئی 2020 13:59
(جاری ہے)
انہوں نے کہا کہ بی او آئی اور فیڈمک مشترکہ منصوبے کے تحت مختلف ممالک میں روڈ شوز کا انعقاد کریں گے تاکہ غیر ملکی سرمایہ کاری کو راغب کیا جاسکے۔
انہوں نے مزید کہا کہ چین کے صدر کا سرکاری دورہ پاکستان جلد متوقع ہے اس لئے چینی سرمایہ کاروں کے وفود کے استقبال کے لئے فیڈمک کو ابھی سے تیاری شروع کردینی چاہئے۔ عاطف بخاری نے کہا کہ حکومت کاروبار شروع کرنے ، ٹیکس ادائیگیوں ، کریڈٹ وصولیوں، مسائل کے حل ، تعمیراتی اجازت نامے ، سرحدوں کے پار تجارت ، جائیداد کی رجسٹریشن ، بجلی کے حصول سمیت نئے کاروبار کے لئے تمام نو اشاریوں کو بہتر بنانے کے لئے کام کر رہی ہے۔ انہوں نے علامہ اقبال انڈسٹریل سٹی کے ترقیاتی عمل کو تیز کرنے کیلئے فیڈمک کے چیئرمین میاں کاشف اشفاق کی کاوشوںکو بھی سراہا۔ چیئرمین بی او آئی اور چیئر مین فیڈمک نے ملک میں سرمایہ کاری کے امکانات اور ان شعبوں کے حوالے سے بھی تبادلہ خیال کیا جن میں غیر ملکی سرمایہ کار دلچسپی کا مظاہرہ کرسکتے ہیں اور جو مجموعی معاشی ترقی اور جی ڈی پی کی شرح میں اضافے کا باعث بن سکتے ہیں۔ کورونا وباء کے بعد غیر ملکی سرمایہ کاروں کو درپیش مسائل پر بھی تبادلہ خیال کیا گیا۔ اس موقع پر میاں کاشف اشفاق نے کہا کہ علامہ اقبال انڈسٹریل سٹی چین پاکستان اقتصادی راہداری (سی پیک) فریم ورک کے تحت ترجیحی منصوبے کے طور پر تعمیر کیا جارہا ہے اور وزیر اعظم عمران خان کے براہ راست احکامات کے تحت اس کی تشکیل کی جارہی ہے، اس منصوبے کی تکمیل سے ملک میں صنعتی دور کے نئے دور کا آغاز ہوگا۔ انہوں نے کہا کہ یہاں قائم کی جانے والی صنعتوں کو مشینری کی درآمد پر 10 سالہ ٹیکس چھوٹ حاصل ہوگی۔ انڈسٹریل کے لئے اضافی سہولیات میں ایک ٹیکنیکل یونیورسٹی بھی شامل ہے۔ میاں کاشف نے بتایا کہ فیڈمک نیا پاکستان ہاؤسنگ اتھارٹی (این پی ایچ ای) کے تعاون سے علامہ اقبال انڈسٹریل سٹی کے مزدوروں کے لئے 10 ہزار فلیٹ تعمیر کرے گی اور انہیں لانے لے جانے کیلئیجلد ہی شٹل ٹرین شروع کی جائے گی۔ فیصل آباد ایکسپریس کی طرز پر ساہیاں والا سے چنیوٹ تک ایک اور نئی سڑک تعمیر کی جائے گی تاکہ اسپیشل اکنامک تک آسان رسائی حاصل ہوسکے۔ میاں کاشف اشفاق نے مختلف منصوبوں کی پیشرفت کا جائزہ لینے کیلئے چیئرمین بی او آئی عاطف بخاری کو فیڈمک کے دورے کی دعوت دی جو انہوں نے قبول کرلی اور عید کی تعطیلات کے بعد دورے کی یقین دہانی کرائی۔مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.