ایم پی اے چوہدری آصف مجید کا طیارہ حادثہ پر دکھ اور افسوس کا انظہار

ہفتہ 23 مئی 2020 18:01

رحیم یارخان۔ (اُردو پوائنٹ اخبارتازہ ترین - اے پی پی۔ 23 مئی2020ء) ایم پی اے چوہدری آصف مجید نے کراچی میں طیارہ حادثہ میں قیمتی جانوں کے ضیاع پر گہرے دکھ اور افسوس کا اظہار کیا اورشہداء کے لواحقین سے دلی ہمدردی کااظہارکیااور زخمیوں کو جلد صحت یابی کے لیے دعاکی۔

(جاری ہے)

انہوںنے کہاکہ جن کے پیارے اس حادثے میں بچھڑ گئے ہیں ان کا دکھ الفاظ میں بیان نہیں کیا جا سکتا،انسانی جانوں کے ضیاع پر دلی صدمہ ہواہے،میری تمام تر ہمدردیاں جاں بحق افراد کے لواحقین کے ساتھ ہیں، پنجاب حکومت دکھ کی اس گھڑی میں غمزدہ خاندانوں کیساتھ کھڑی ہے۔

انہوں نے کہاکہ پی آئی اے مسافر طیارے کے ساتھ حادثہ انتہائی المناک ہے، اس بدقسمت حادثے نے پوری قوم کو غمزدہ کر دیا ہے، حادثے کی وجہ سے اس وقت پورے ملک میں سوگ کی فضا ہے۔ انہوں نے کہاکہ کروناوائرس اورپی آئی اے حادثہ کی وجہ سے عیدالفطرسادگی سے منائی جائے اوراللہ کے حضورکروناوائرس سے نجات اورپی آئی اے طیارہ میں شہیدہونے والوں کے لیے خصوصی دعاکی جائے۔