Live Updates

چئرمین سینیٹ محمد صادق سنجرانی کی محمد باقر قالیباف کو ایران کی مجلس شوری کا سپیکر منتخب ہونے پر مبارکباد

جمعہ مئی 22:24

چئرمین سینیٹ محمد صادق سنجرانی کی محمد باقر قالیباف کو ایران کی مجلس ..
اسلام آباد ۔ (اُردو پوائنٹ اخبارتازہ ترین - اے پی پی۔ 29 مئی2020ء) چئرمین سینیٹ محمد صادق سنجرانی کی محمد باقر قالیباف کو ایران کی مجلس شوری کا سپیکر منتخب ہونے پر مبارکباد دی ہے۔ جمعہ کو سینیٹ سیکرٹریٹ کی جانب سے جاری بیان کے مطابق چیئرمین سینیٹ نے کہا کہ نو منتخب سپیکر کو مبارکباد پیش کرتا ہوں، نو منتخب سپیکر مجلس شوری ایران پاکستان کے دوست ہیں۔

انہوں نے کہا کہ نو منتخب سپیکر نے بطور میئر تہران کافی مقبولیت حاصل کی، پاکستان انہیں اپنا دیرینہ دوست تصور کرتا ہے۔

(جاری ہے)

صادق سنجرانی نے کہا کہ امید ہے نو منتخب سپیکر پاکستان ایران دوستی کو مزید فروغ دینگے، خطے میں تعاون ، پائیدار امن اور ترقی کے لئے دونوں ملکوں کی پارلیمان موثر کردار ادا کرینگے۔ انہوں نے کہا کہ موجودہ دور کے مسائل پر قابو پانے کے لئے مل کر کوششیں کرنا ہونگی، پارلیمانی معاونت اور رابطہ کاری کو مل کر فروغ دینگے۔

چیئرمین سینیٹ نے کہا کہ خطے کے امن کے لئے ایشیائی خطے کے پارلیمانی سربراہان کو اکٹھا ہونا پڑے گا، کورونا وبا پر قابو پانے کے لئے بھی خطے، علاقائی اور عالمی سطح پر تعاون مزید زور پکڑ گیا ہے، پاک ایران تعلقات، دو طرفہ تعاون کو مزید بڑھانے کی ضرورت ہے۔
پاکستان پر کرونا کی یلغار سے متعلق تازہ ترین معلومات