منور سہروردی نے ضیاء آمریت کے دور میں بے مثال جدوجہد کی ضیاء آمریت کا ڈٹ کر مقابلہ کیا،تیمور تالپور

بدھ 17 جون 2020 23:46

کراچی(اُردو پوائنٹ اخبارتازہ ترین - آن لائن۔ 17 جون2020ء) صوبائی وزیر برائے انفارمیشن، سائنس اینڈ ٹیکنالوجی تیمور تالپور نے پیپلز پارٹی کے رہنما شہید جمہوریت محترمہ بے نظیر بھٹو کے با اعتماد ساتھی اور پارٹی کارکنان کی ہر دلعزیز شخصیت منور حسین سہروردی کے یوم شہادت اور پیپلز پارٹی کی رہنما اور رکن قومی اسمبلی مرحومہ فوزیہ وہاب کی برسی کے موقع پر اپنے پیغام میں کہا ہے کہ منور سہروردی نے ضیاء آمریت کے دور میں بے مثال جدوجہد کی ضیاء آمریت کا ڈٹ کر مقابلہ کیا اور قید و بند کی صعوبتیں برداشت کیں مگر ضیاء آمریت کے آگے کبھی سر نہیں جھکایا۔

منور حسین سہروردی شہید نے محترمہ بے نظیر بھٹو شہید کے ایک سپاہی اور بھائی بن کر شہید ذوالفقار علی بھٹو کے مشن کو آگے بڑھایا اور مشرف آمریت کے دور میں انکو دہشت گردوں نے شہید کردیا۔

(جاری ہے)

منور حسین سہروردی شہید کی شہادت سے پیپلز پارٹی میں جو خلا پیدا ہوا تھا وہ آج تک پر نہ ہو سکا ہے اور نہ ہوگا۔ اسی طرح فوزیہ وہاب مرحومہ پارٹی کا اثاثہ تھیں انکی بھی پوری زندگی پارٹی کے لئے جدوجہد کرتے ہوئے گزری اور انہوں نے پارٹی کے لئے بے مثال خدمات انجام دیں۔

اور پارٹی کی قیادت اور کارکنان اپنے شہید اور مرحوم ساتھیوں کو کبھی فراموش نہیں کریں گے اور کارکنان انکے نقش قدم پر چلتے ہوئے جمہوریت کی بقا اور آئینی اداروں کی سربلندی کے لئے جدوجہد کرتے رہیں گے اور پارٹی کا پرچم ہمیشہ سربلند رکھیں گی