محکمہ موسمیات نے اتوار کے روز بارش کی پیشگوئی کردی

بالائی خیبرپختونخوا، خطہ پوٹھوہار، مشرقی بلوچستان، جنوبی پنجاب، زیریں سندھ، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش کا امکان ہے

عثمان خادم کمبوہ اتوار 26 جولائی 2020 11:54

لاہور (اردو پوائنٹ تازہ ترین اخبار۔26جولائی 2020ء) محکمہ موسمیات نے اتوار کے روز بارش کی پیشگوئی کردی، محکمہ موسمیات کے مطابق بالائی خیبرپختونخوا، خطہ پوٹھوہار، مشرقی بلوچستان، جنوبی پنجاب، زیریں سندھ، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش کا امکان ہے۔ اس کے علاوہ باقی علاقوں میں موسم گرم اور مرتوب رہے گا۔

محکمہ موسمیات کے مطابق صوبہ سندھ کے بیشتر علاقوں میں موسم گرم اور مرطوب رہے گا تاہم کراچی، حیدرآباد، ٹھٹھہ، لاڑکانہ، سکھر، میرپورخاص، اسلام کوٹ، نگرپارکر، سانگھڑ، دادو، شہید بینظیرآباد اور بدین میں تیز ہواؤں اور گرج چمک کے ساتھ بارش ہوسکتی ہے۔ صوبہ پنجاب کے بیشتر علاقوں میں بھی موسم گرم اور مرطوب رہے گا تاہم نارووال، سیالکوٹ، گوجرانوالہ، لاہور، خطہ پوٹھوہار، ڈی جی خان، لیہ، بھکر، ملتان اور بہاولپور میں تیز ہواؤں اور گرج چمک کے ساتھ بارش کا امکان ہے۔

(جاری ہے)

خیبرپختونخوا کے علاقوں دیر، سوات، کوہستان، ایبٹ آباد، مانسہرہ، پشاور، مردان، بنوں، کوہاٹ، کرم اور وزیرستان میں تیز ہواؤں اور گرج چمک کے ساتھ بارش ہوسکتی ہے۔ اس کے علاوہ صوبہ بلوچستان کے بیشتر اضلاع میں بھی موسم گرم اور مرطوب رہے گا تاہم بارکھان، ژوب، زیارت، لورالائی، موسیٰ خیل، سبی، لسبیلہ، آواران، خضدار اور گردو نواح میں تیز ہواؤں اور گرج چمک کے ساتھ بارش کا امکان ہے۔

گلگت بلتستان میں بھی میں تیز ہواؤں اور گرج چمک کے ساتھ بارش کی توقع ہے۔اس کے علاوہ کشمیر اور اسلام آباد میں بھی محکمہ موسمیات کی جانب سے اتوار کے روز تیز ہواؤں اور گرج چمک کے ساتھ بارش کی پیشگوئی کی گئی ہے۔ دوسری جانب سندھ میں جلد مون سون کا تیسرا اسیل شروع ہونے کی پیشن گوئی کی گئی ہے جس کے باعث کراچی میں موسلادھار اور مسلسل بارش کا امکان ہے۔

بتایا گیا ہے کہ کراچی میں کئی روز تک وقفے وقفے سے بارش جاری رہ سکتی ہے۔ جبکہ شہر قائد میں آندھی طوفان کیساتھ موسلادھار بارش کی صورتحال بھی پیدا ہو سکتی ہے۔ اسی باعث سول ایوی ایشن اتھارٹی نے کراچی کے جناح انٹرنیشنل ائیرپورٹ کیلئے ہائی الرٹ جاری کیا ہے۔ ائیرپورٹ حکام کو ہنگامی صورتحال سے نمٹنے کیلئے اقدامات کرنے کی ہدایت کر دی گئی ہے۔