Live Updates

وقار یونس کے والد کی نماز جنازہ آج شام ادا کی جائیگی

یونس متیلا لاہور کے نجی سپتال میں کافی دنوں سے زیر علاج تھے

ذیشان مہتاب اتوار 13 ستمبر 2020 16:30

وقار یونس کے والد کی نماز جنازہ آج شام ادا کی جائیگی

لاہور (اردو پوائنٹ تازہ ترین اخبار ۔ 13 ستمبر 2020ء ) قومی کرکٹ ٹیم کے بولنگ کوچ وقار یونس کے والد انتقال کرگئے۔ یونس متیلا لاہور کے نجی سپتال میں کافی دنوں سے زیر علاج تھے، ان کی نماز جنازہ آج شام 6 بجے خالد مسجد ،کیولری گرائونڈ،لاہور میں ادا کی جائے گی۔ وقار یونس اتوار کی صبح سڈنی سے لاہور پہنچ رہے ہیں۔ پاکستان کرکٹ بورڈ کے سربراہ احسان مانی،چیف ایگزیکٹیو وسیم خان اور دیگر سٹاف نے وقار یونس سے اظہار افسوس کیا ہے۔

وقار یونس دورہ انگلینڈ کے بعد آسٹریلیا چلے گئے تھے تاہم کورونا ایس او پی کی وجہ سے انہیں قرنطینہ میں رہنا پڑا تھا۔اب وقار یونس قرنطینہ سے نکل کر فیملی سے ملے بغیر سڈنی سے لاہور کے لیے روانہ ہو گئے ہیں ۔ ان کی اہلیہ فریال وقار نے بتایا کہ ’’وقار یونس ہوٹل قرنطینہ سے ہی پاکستان واپس چلے گئے ، ان سے ہماری ملاقات نہیں ہو سکی۔

(جاری ہے)

ان کا یہ بھی کہنا تھا کہ وقار یونس کے والد کی حالت لاہور میں تشویشناک ہے جن کا اب انتقال ہوچکا ہے ۔

وقار یونس کی اہلیہ فریال وقار کا کہنا تھا کہ یہ ہمارے لیے ایک مشکل وقت ہے جب سننے کو ملے کہ ایک بڑا شخص اکیلا رو پڑا ہو اور وہ کچھ نہیں کر سکتا، یہ تکلیف دہ لمحات ہیں ‘‘۔

Heartbroken..kids &I didn’t get to see @waqyounis99 as he left from quarantine back to Pakistan due to his father’s critical condition..these are really tough times..to hear a grown man weep alone and unable to do anything is very painful. #qurantinechallenges #covid
— Faryal Waqar (@DrFaryalWaqar) September 12, 2020