عسکری قیادت کی دعوت پر ملاقات ہوئی تھی ، شاہد خاقان عباسی

نواز شریف علاج کروانے گئے تھے ،علاج کروا کر ہی وطن واپس آئیں گے ، اگر کسی کو تکلیف ہے تو اپنے کسی بیمار رشتے دار سے پوچھ لے کہ بیماری کی کیفیت کیا ہے، میڈیا سے گفتگو

منگل 22 ستمبر 2020 15:02

عسکری قیادت کی دعوت پر ملاقات ہوئی تھی ، شاہد خاقان عباسی

اسلام آباد(اُردو پوائنٹ اخبارتازہ ترین - این این آئی۔ 22 ستمبر2020ء) مسلم لیگ (ن) کے رہنما اور سابق وزیراعظم شاہد خاقان عباسی نے کہا ہے کہ عسکری قیادت کی دعوت پر ان سے ملاقات ہوئی تھی۔احتساب عدالت میں ایل این جی ضمنی ریفرنس کی سماعت ہوئی۔ شاہد خاقان عباسی عدالت میں پیش ہوئے۔

(جاری ہے)

اس موقع پر میڈیا سے گفتگو کرتے ہوئے شاہد خاقان عباسی نے پاک فوج کی اعلیٰ قیادت کے ساتھ ملاقات کے بارے میں کہا کہ عسکری قیادت کیساتھ میٹنگ عسکری قیادت کی دعوت پر ہوئی، ملاقات میں گلگت بلتستان کے معاملات پر بات ہوئی۔

شاہد خاقان عباسی کا کہنا تھا کہ میاں نواز شریف علاج کروانے گئے تھے اور وہ علاج کروا کر ہی وطن واپس آئیں گے ، اگر کسی کو تکلیف ہے تو اپنے کسی بیمار رشتے دار سے پوچھ لے کہ بیماری کی کیفیت کیا ہے۔شاہد خاقان عباسی نے کہا کہ نیب جو کر رہا ہے اسکی حقیقت پوری پاکستان پر واضح ہو گئی ہے، سندھ ہائی کورٹ نے بھی واضح کر دیا ہے کہ ایسے کیسز سیاسی انجینئرنگ اور آواز دبانے کیلئے بنائے جاتے ہیں۔