پولیس کی کارروائیاں،فائرنگ میں ملوث ملزم، اغوا کار، ڈکیت، اسٹریٹ کرمنلز، منشیات و گٹکے فروشوں سمیت 23 ملزمان گرفتار

کراچی(اُردو پوائنٹ اخبارتازہ ترین - این این آئی۔ 22 ستمبر2020ء) پولیس نے شہر کے مختلف علاقوں میں کارروائیاں کرتے ہوئے فائرنگ میں ملوث ملزم، اغوا کار۔ ڈکیت، اسٹریٹ کرمنلز، منشیات و گٹکے فروشوں سمیت 23 ملزمان کو گرفتار کرکے اسلحہ، منشیات، گٹکے ماوے ودیگر مسروقہ سامان برآمد کرلیا۔ تفصیلات کے مطابق لیاقت آباد پولیس نے کارروائی کرتے ہوئے دو ملزمان عبدالمجید اور محمد مشتاق کو گرفتار کرکے منشیات اور گتکے ماوے برآمد کرلئے۔

موچکو پولیس نے ملزم ضیا الرحمن کو گرفتار کرکے قبضے سے بڑی مقدار میں چھالیہ برآمد کرلی۔درخشاں پولیس نے کار پر فائرنگ میں کرنے والے ملزم ارسلان کو گرفتار کرکے قبضے سے اسلحہ برآمد کرلیا۔ شاہ لطیف ٹاو ن پولیس نے دو ملزمان اسلم اور شہزاد کو گرفتار کرکے گٹکا برآمد کرلیا۔

(جاری ہے)

ڈیفنس پولیس نے گٹکے اور شیشہ مافیا کے خلاف کارروائی کرتے ہوئے چار ملزمان ثاقب، عامر، اختر اور آفتاب پٹھان کو گرفتار کرکے قبضے سے بڑی مقدار میں گٹکا ماوا اور شیشہ فلیور برآمد کرلئے۔

گذری پولیس نے دو ملزمان شاہ زین مگسی اور سید سلیمان علی کو گرفتار کرکے اسلحہ برآمد کرلیا۔ محمود آباد پولیس نے اسٹریٹ کرائم میں ملوث تین ملزمان محمد حسین عرف سونو۔مرتضی اور عمیر عزیز کو گرفتار کرکے اسلحہ برآمد کرلیا۔ اسٹیل ٹا?ئو پولیس نے منشیات فروشوں کاشف اور مشتاق کو گرفتار کرکے بڑی مقدار میں منشیات برآمد کرلی۔ گلشن معمار پولیس نے بین الصوبائی منشیات کے ڈیلر شہزاد عرف بجلی کو گرفتار کرکے منشیات برآمد کرلی۔

پولیس کے مطابق ملزم ساتھیوں کی مدد سے دوسرے صوبے سے منشیات لاکر کراچی میں سپلائی کرتا تھا۔ سولجر بازار پولیس نے دو ملزمان عبدالقاہر باز محمد کو گرفتار کرکے اسلحہ اور مسروقہ موبائل برآمد کرلیا۔ ڈیفنس پولیس نے دو ملزمان نوید شاہ اور تحریم کو گرفتار کرکے بڑی مقدار میں گٹکا ماوا برآمد کرلی۔ کھارادر پولیس نے اغوا کی کوشش ناکام بناتے ہوئے اغوا کا بدرو واجا کو گرفتار کرلیا۔پولیس کے مطابق گرفتار ملزم گیارہ سالہ بچے جمال احمد کو اغوا کرکے لے جارہا تھا۔پولیس ملزم سے مزید تفتیش کررہی ہے۔