جہاز رانی پوری دنیا میں معاشی اور سماجی رابطے کی بحالی کا کام کرتی ہے،
بین الاقوامی معیشت کا زیادہ انحصار جہاز رانی سے جڑی سر گرمیوں پر ہے ، بحری سکیورٹی کے روایتی اور غیر روایتی چیلنجز کے ساتھ ساتھ بڑھتی ہوئی آلودگی کی وجہ سے نیویگیشن کی آزادی اور سمندری ماحول متاثر ہورہے ہیں پاک بحریہ کے سربراہ ایڈمرل ظفر محمود عباسی کامیری ٹائم کے عالمی دن کے موقع پیغام
بدھ 23 ستمبر 2020 17:14
(جاری ہے)
میری ٹائم کے عالمی دن کے موقع پر پاک بحریہ کے سربراہ نے اپنے پیغام میں کہا کہ میری ٹائم کا عالمی دن محفوظ جہاز رانی، سمندری تحفظ اور سمندری ماحول کی اہمیت پر توجہ مبذول کروانے کے لئے ہر سال منایا جاتا ہے۔
اس سال میری ٹائم کے عالمی دن کا موضوع 'مستحکم کرہ ارض کے لیے مستحکم جہاز رانی 'رکھا گیا ہے۔انہوں نے کہا کہ تمام ساحلی ممالک کی مشترکہ ذمہ داری ہے کہ وہ مل کر سمندری تحفظ کے چیلنجز کا مقابلہ کرنے اور بین الاقوامی قواعد و ضوابط اور بہترین طریقوں کو بروئے کار لاکر جہاز رانی کی پائیدار صنعت کے لئے سازگار ماحول کو فروغ دیں۔ انہوں نے کہا کہ پاکستان کو قدرت کی جانب سے 1000 کلومیٹر سے زیادہ طویل ساحلی پٹی سے نوازا گیا ہے۔ سمندری تجارت ہماری معیشت میں ریڑھ کی ہڈی کی حیثیت رکھتی ہے۔ ہماری 95 فیصدسے زیادہ تجارت سمندری راستے سے ہوتی ہے، اس کے باوجود پاکستانی پرچم بردار جہاز ملکی سمندری تجارت میں حصہ محض 16 فیصد ہے۔ چونکہ سی پیک اور گوادر پورٹ فعال ہوچکے ہیں اس لئے پاکستان میں سمندری سرگرمیوں کا کئی گنا بڑھنا ایک یقینی امر ہے۔ اس سے وابستہ معاشی فوائد سے بھر پور استفادہ کرنے کی ضرورت ہے جو ملکی بحری شعبے کی ترقی سے ہی ممکن ہوسکے گا۔ اس سلسلے میں گورنمنٹ آف پاکستان کی جانب سے 2020 کو بلیو اکانومی کا سال قرار دینادرست سمت میں ایک مثبت قدم ہے۔انہوں نے کہا کہ پاک بحریہ سمندری دفاع کی اپنی بنیادی ذمہ داری کو نبھانے کے ساتھ ساتھ ملک میں میری ٹائم شعبے سے متعلق آگاہی پیدا کرنے اور بلیو اکانومی کو فروغ دینے کی راہ پر گامزن ہے۔ پاک بحریہ بین الاقوامی شراکت داروں کے ساتھ ملکر مستقل تعمیری اقدامات کے ذریعے اور ریجنل میری ٹائم سکیورٹی پٹرول کے ذریعے علاقائی سمندری تحفظ کو یقینی بنا رہی ہے۔ کوسٹل سکیورٹی اینڈ ہاربر ڈیفنس فورس ساحلی سکیورٹی اسٹیشنز کے مربوط نظام پر مشتمل ہے اور کراچی میں واقع اسٹیٹ آف دی آرٹ جوائنٹ میری ٹائم انفارمیشن اینڈ کوآرڈینیشن سینٹر جس کو بحری بیڑے، پاک میرینز اور اسپیشل آپریشن فورسز کی معاونت حاصل ہے، سمندری تحفظ کو برقرار رکھنے کے لئے دن رات کام کر رہے ہیں۔ یہ ہمارے ساحل پر درپیش کسی بھی مشکل صورتحال کا برقت ردعمل دینے کے لئے ہمہ وقت چوکس ہیں۔ انہوں نے کہا کہ پاک بحریہ سمندری آلودگی کو کم کرنے اور بحری وسائل کے محفوظ اور پائیدار استعمال کو فروغ دینے پر خصوصی توجہ مرکوز کر رہی ہے۔ پاک بحریہ کی جانب سے گزشتہ برسوں میں شروع کئے گئے کچھ اہم اقدامات میں بندرگاہوں میں ٹھوس فضلہ اکٹھا کرنے کے لئے کشتیوں کی تعمیر،پاک بحریہ کے دائرہ اختیار کے تمام علاقوں میں سیوریج واٹر ٹریٹمنٹ پلانٹس کا قیام اور سمندر میں تیل کی آلودگی سے نمٹنے کے لئے قواعد و ضوابط کی تشکیل شامل ہیں۔ پاک بحریہ نے سمندری ماحولیاتی نظام کے تحفظ کے لئے گزشتہ تین سالوں کے دوران سندھ اور بلوچستان کے ساحلی علاقوں میں 50 لاکھ سے زیادہ مینگرووزکے پودے بھی لگائے ہیں۔ انہوں نے کہاکہ میری ٹائم کے اس عالمی دن کے موقع پر پاک بحریہ عمومی طور پر سمندری شعبے کی ترقی اوربالخصوص جہاز رانی کی صنعت کے فروغ میں بھر پور تعاون کے عزم کا اعادہ کرتی ہے۔ ہم صاف اور سر سبز ماحول کے حصول کے لئے سمندری آلودگی کو ختم کرنے کے اپنے عزم کی بھی ازسرنو توثیق کرتے ہیں۔ میں پاکستان کے میری ٹائم شعبے میں پائیدار ترقی کے حصول کے لئے تمام اسٹیک ہولڈرز کی جانب سے مخلصانہ کاوشوں کا منتظر ہوں۔مزید اہم خبریں
-
بھارت اور پاکستان ایک دن آزاد ہوئے آج وہ سپرپاور بننے کے خواب دیکھ رہا ہے اور ہم دیوالیہ پن کا شکار ہیں
-
گرمیوں میں سردی والا موسم، کئی سیاحتی مقامات پر برفباری سے سردی لوٹ آئی
-
خیبرپختونخواہ میں بلدیاتی ضمنی الیکشن، تحریک انصاف کلین سوئپ کرنے میں کامیاب
-
مرغی کے گوشت کی قیمت 1200 روپے کی ہوشربا سطح تک پہنچ گئی
-
نوازشریف کے پارٹی صدر بننے کا مطلب مزاحمتی بیانیہ نہیں ہے
-
موبائل ایپ پاک حج سے تمام انتظامات پیپر لیس کر دیے ، رہنمائی اور شکایات مکمل آٹومیٹ ہونگی
-
آرمی چیف سے ترک کمانڈر جنرل کی ملاقات، دفاعی تعلقات مضبوط بنانے کا عزم
-
آرمی چیف جنرل سید عاصم منیر سے ترک بری افواج کے کمانڈر جنرل سیلکوک بیریکتر اوغلو کی ملاقا ت، باہمی دلچسپی کے امور اور دوطرفہ دفاعی تعاون کو مزید بڑھانے کے اقدامات پر تبادلہ خیال
-
آرامکو نے گو پٹرولیم کے 40 فیصد حصص کا حصول کر لیا
-
صدر آصف علی زرداری نی ترک بری افواج کے کمانڈر ،جنرل سیلکوک بایراکتار اوغلو کو نشان پاکستان (ملٹری) سے نوازا
-
غزہ میں مستقل امن قائم کیے بغیر دنیا میں امن قائم نہیں ہو سکتا ، شہبازشریف
-
آئی ایم ایف نے پاکستان کیلئے 1.1 ارب ڈالر قسط کی منظوری دے دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.