آئی جی پنجاب کا پنجاب پولیس آفیسرز میس /پولیس کلب کا دورہ ، ترقیاتی کاموں کی تکمیل کا جائزہ لی

ترقیاتی کاموں کی بروقت تکمیل کے ساتھ ساتھ کوالٹی سٹینڈرڈ پر ہرگز سمجھوتہ نہ کیا جائے‘ آئی جی پنجاب انعام غنی

بدھ 23 ستمبر 2020 17:39

آئی جی پنجاب کا پنجاب پولیس آفیسرز میس /پولیس کلب کا دورہ ، ترقیاتی ..

لاہور(اُردو پوائنٹ اخبارتازہ ترین - این این آئی۔ 23 ستمبر2020ء) انسپکٹر جنرل پولیس پنجاب انعام غنی نے کہاہے کہ پولیس آفیسرز میس اور پولیس کلب میں جاری ترقیاتی کاموں کو کوالٹی سٹینڈرڈ کے مطابق جلد از جلد مکمل کیا جائے تاکہ افسران واہلکاروں کیلئے تعمیری سرگرمیوں کے پروگرامز شیڈول کے مطابق باقاعدگی سے منعقد ہوتے رہیں۔ انہوں نے مزیدکہاکہ ایڈیشنل آئی جی ویلفیئراینڈ فنانس اپنی نگرانی میں زیر تکمیل پراجیکٹس کو مقررہ ٹائم لائن کے اندر مکمل کروائیں اور کام کے معیار کا جائزہ لینے کیلئے انسپکشن اور مانیٹرنگ بھی کرتے رہیں ۔

ان خیالات کا اظہار انہوں نے آج شاہراہ ایوان تجارت پر پولیس آفیسرز میس اور پولیس کلب میں جاری ترقیاتی کاموں کا جائزہ لیتے ہوئے کیا ۔

(جاری ہے)

اس موقع پر ایڈیشنل آئی جی ویلفیئر اینڈ فنانس اظہر حمید کھوکھراور اے آئی جی ڈویلپمنٹ رانا طاہر رحمان خان سمیت دیگر افسران بھی موجود تھے ۔ ایڈیشنل آئی جی ویلفیئر اینڈ فنانس اظہر حمید کھوکھرنے تزئین و آرائش کے حوالے سے جاری کاموں کے متعلق آئی جی پنجاب کوبریفنگ دیتے ہوئے بتایا کہ پولیس آفیسرز میس پراجیکٹ فورس کی ویلفیئر سرگرمیوں کو پایہ تکمیل تک پہنچانے میں معاون ثابت ہوگاانہوں نے آئی جی پنجاب کوپولیس آفیسرز میس کے مختلف حصوں کا وزٹ کروایا اور زیر تکمیل کام کے متعلق تفصیلی آگاہ کیا جبکہ آئی جی پنجاب نے پولیس میس کو جلد از جلد فنکشنل بنانے بارے مختلف امور پر ہدایات بھی دیں۔