وزیراعلی عثمان بزدار لاہور شہر میں صفائی کی خراب صورتحال پر سخت برہم ، ایم ڈی لاہور سالڈ ویسٹ مینجمنٹ کمپنی عہدے سے فارغ

بدھ 23 ستمبر 2020 18:07

لاہور(اُردو پوائنٹ اخبارتازہ ترین - این این آئی۔ 23 ستمبر2020ء) وزیراعلی پنجاب سردار عثمان بزدار نے لاہور شہر میں صفائی کی خراب صورتحال پر سخت برہمی کا اظہارکیا ہے -وزیر اعلی عثمان بزدارنے واضح ہدایات کے باوجود شہر میں صفائی کے انتظامات میں بہتری نہ لانے پر ایکشن لیتے ہوئے ایم ڈی لاہور سالڈ ویسٹ مینجمنٹ کمپنی شاہ زیب حسنین کو عہدے سے ہٹانے کا حکم دیا ہے - وزیر اعلی عثمان بزدار نے کہا کہ شہر میں کوڑا کرکٹ کو اٹھانا اور مناسب طریقے سے ٹھکانے لگانا ایل ڈبلیو ایم سی کی ذمہ داری ہے لیکن واضح ہدایات کے باوجود زیرو ویسٹ آپریشن کو یقینی نہیں بنایا گیا اور شہر میں صفائی کے انتظامات کے حوالے سے کوتاہی برتی گئی اورایسا تساہل کسی بھی صورت برداشت نہیں۔

(جاری ہے)