سندھ ہائی کورٹ نے سابق وزیراعلی سندھ قائم علی شاہ کی عبوری ضمانت کی درخواست منظور کرلی

جمعرات ستمبر 16:15

سندھ ہائی کورٹ نے سابق وزیراعلی سندھ قائم علی شاہ کی عبوری ضمانت کی ..
کراچی (اُردو پوائنٹ اخبارتازہ ترین - این این آئی۔ 24 ستمبر2020ء) سندھ ہائی کورٹ نے سابق وزیراعلی سندھ قائم علی شاہ کی عبوری ضمانت کی درخواست منظور کرلی اور نیب کی تحقیقات میں تعاون کرنے کا حکم دے دیا۔تفصیلات کے مطابق قومی احتساب بیورو( نیب )نے سابق وزیراعلی سندھ قائم علی شاہ کو ایک اور انکوائری میں طلب کرلیا، جس کے بعد گرفتاری سے بچنے کیلئے قائم علی شاہ نے سندھ ہائیکورٹ میں درخواست ضمانت دائر کردی۔

سندھ ہائی کورٹ میں قائم علی شاہ کی عبوری ضمانت کی درخواست پر سماعت ہوئی ، سابق وزیر اعلی سندھ قائم علی شاہ وکیل ضمیر گھمرو کیہمراہ عدالت میں پیش ہوئے۔وکیل ضمیر گھمرو ایڈووکیٹ نے بتایا کہ نیب نے قائم علی شاہ کو کال اپ نوٹس جاری کیا ہے، جس میں انھیں 25 ستمبر کو بلایا ہے ،سندھ ہائیکورٹ نے قائم علی شاہ کی عبوری ضمانت کی درخواست منظور کرتے ہوئے 5لاکھ روپے ہائیکورٹ کے پاس جمع کرانے کی ہدایت کردی۔

(جاری ہے)

عدالت نے قائم علی شاہ کو نیب کی تحقیقات میں تعاون کرنے کا حکم دیتے ہوئے اسپیشل پبلک پراسیکیوٹرنیب کو 15 اکتوبر کے لئے نوٹس جاری کردئیے۔خیال رہے نیب قائم علی شاہ کیخلاف کالجز کو جاری فنڈزمیں کرپشن کی تحقیقات کررہا ہے، قائم علی شاہ پر کندھ کوٹ میں کالج کی زمین پرائیوٹ پارٹی کودینے کا الزام ہے۔