بڑھتے ہوئے تنازعات مسلم دنیا کو دیمک کی طرح چاٹ رہے ہیں، او آئی سی کو امن و استحکام اور تنازعات کے حل کے حوالے سے اپنے کردار کو مستحکم بنانا ہو گا،
اب او آئی سی کو قابض قوتوں کے خلاف دباؤ بڑھانے کے لئے عملی اقدامات کرنا ہوں گے، مسلم ریاستوں کی امیدیں اور توقعات اس فورم سے وابستہ ہیں، ہمیں یقین ہے کہ او آئی سی مظلوم کشمیریوں کی آواز کو ناصرف عالمی سطح پر اٹھاتی رہے گی بلکہ ان کے جائز مقصد کے حصول کے لیے بھرپور معاونت بھی کریگی وزیر خارجہ مخدوم شاہ محمود قریشی کا او آئی سی کی گولڈن جوبلی کے حوالے سے ویبینار سے خطاب
جمعرات 24 ستمبر 2020 23:16
(جاری ہے)
او آئی سی آج ڈیڑھ ارب آبادی پر مشتمل، ستاون ممبر ممالک کے ساتھ، اقوام متحدہ کے بعد عالمی سطح پر دوسرے نمبر پر ہے جو چار براعظموں پر پھیلی ہوئی ہے۔
یہ مسلم ریاستوں کو ایسا پلیٹ فارم فراہم کرتی ہے جس کے ذریعے ہم اتفاق رائے سے، متفقہ لائحہ عمل طے کر کے، مشترکہ کاوشیں بروئے کار لا سکتے ہیں۔انہوں نے کہا کہ پاکستان نے ایک اہم مسلم ریاست ہونے کے ناطے شروع دن سے مسلم امہ اور اس کے مفادات کو ہمیشہ عزیز تر رکھا۔پاکستان کو او آئی سی کے دو سربراہی اجلاسوں اور چار وزرائے خارجہ کونسل (سی ایف ایم ) کانفرنسز کی میزبانی کا شرف حاصل ہو چکا ہے اور ہم وزرائے خارجہ کونسل کے اڑتالیسویں اجلاس کی میزبانی کیلئے تیار ہیں۔وزیر خارجہ نے کہا کہ ہمیں گولڈن جوبلی کے حوالے سے کامیابیوں کا جشن منانے کے ساتھ ساتھ ساری صورتحال کا سنجیدگی کے ساتھ جائزہ بھی لینا چاہیے۔آج مسلم امہ ایسے موڑ پر کھڑی ہے جہاں کشمیر میں لاکھوں معصوموں کو ظلم و بربریت کا نشانہ بنایا جا رہا ہے۔او آئی سی نے عالمی سطح پر کشمیریوں پر ڈھائے جانے والے مظالم کو اپنی قراردادوں اور ٹھوس بیانات سے جس طرح اٹھایا ہے وہ قابل تحسین ہے۔ہمیں یقین ہے کہ او آئی سی مظلوم کشمیریوں کی آواز کو ناصرف عالمی سطح پر اٹھاتی رہے گی بلکہ ان کے جائز مقصد کے حصول کے لیے ان کی بھرپور معاونت بھی کریگی۔آج فلسطین کے مسلمان تکلیف دہ صورتحال کا سامنا کر رہے ہیں۔ پاکستان اپنے فلسطینی بھائیوں کے ساتھ اظہار یکجہتی کرتے ہوئے،اقوام متحدہ اور او آئی سی کی قراردادوں کے مطابق مسئلہ فلسطین کے دو ریاستی حل کا حامی ہے جس میں 1967 سے قبل کی سرحدی صورت کا احیاء ، القدس الشریف دارالخلافہ کے ساتھ ایک آزاد فلسطینی ریاست شامل ہے۔انہوں نے کہا کہ یہ امر انتہائی تکلیف دہ اور باعثِ تشویش ہے کہ مغرب میں بالخصوص اور دیگر علاقوں میں بالعموم اسلاموفوبیا اور مسلمانوں کے خلاف نفرت کا رحجان بڑھتا ہوا دکھائی دے رہا ہے پاکستان نے اسلاموفوبیا کے خلاف ہمیشہ آگے بڑھ کر آواز اٹھائی ہے اور اٹھاتا رہے گا۔او آئی سی کی گرانقدر خدمات اور کامیابیوں کے باوجود مسلم امہ کو درپیش چیلنجز بہت پیچیدہ اور گھمبیر ہیں۔ضرورت اس امر کی ہے کہ او آئی سی کا تاثر ایک موثر اور متحرک تنظیم کے طور پر دنیا کے سامنے آئے۔ایسے وقت میں کہ جب بڑھتے ہوئے تنازعات مسلم دنیا کو دیمک کی طرح چاٹ رہے ہیں، او آئی سی کو امن و استحکام اور تنازعات کے حل کے حوالے سے اپنے کردار کو مستحکم بنانا ہو گا۔او آئی سی کے کشمیر اور فلسطین کے حوالے سے بیانات قابلِ ستائش ہیں لیکن اب او آئی سی کو قابض قوتوں کے خلاف دباؤ بڑھانے کے لئے عملی اقدامات کرنا ہوں گے۔متعلقہ عنوان :
مزید اہم خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.