Live Updates

انٹر میڈیٹ پارٹ سیکنڈ کاخصوصی امتحان کل سے شروع ہوگا

خصوصی امتحان میں ستائیس ہزار امیدوارمکمل ایس او پیز تدابیر کے ساتھ امتحان میں شریک ہونگے

جمعہ اکتوبر 14:27

انٹر میڈیٹ پارٹ سیکنڈ کاخصوصی امتحان کل سے شروع ہوگا
لاہور(اُردو پوائنٹ اخبارتازہ ترین - این این آئی۔ 09 اکتوبر2020ء) انٹر میڈیٹ پارٹ سیکنڈ کاخصوصی امتحان کل بروز ( ہفتہ ) سے شروع ہوگا، خصوصی امتحان میں ستائیس ہزار امیدوارشرکت کریں گے،امیدوار مکمل ایس او پیز تدابیر کے ساتھ امتحان میں شریک ہوں گے۔تفصیلات کے مطابق لاہور بورڈ آف انٹرمیڈیٹ اینڈ سکینڈری ایجوکیشن کے تحت انٹرمیڈیٹ پارٹ ٹو کا خصوصی امتحان آج بروز ( ہفتہ ) سے شروع ہوگا۔

امیدواروں کے لئے ایک سو بیس امتحانی مراکز قائم کیے گئے ہیں۔ لاہور بورڈ کے مطابق امیدوار مکمل ایس او پیز تدابیر کے ساتھ امتحان میں شریک ہوں گے۔ایک سو بیس امتحانی مراکز لاہور، شیخوپورہ، ننکانہ صاحب اور قصور کے اضلاع میں قائم کیے گئے ہیں۔ اسپیشل امتحان کا سلسلہ 24اکتوبر تک جاری رہے گا۔

(جاری ہے)

یادرہے کہ انٹر پارٹ ٹواسپشل امتحان میں حاصل کردہ نمبرز ہی پارٹ ون کے نمبرز شمار کیے جائیں گے،یہ فارمولا صرف ان طلبا پرلاگو ہوگا جنھوں نے پارٹ ون کے امتحان پہلے سے نہیں دیا ہوگا۔

دوسری جانب محکمہ ہائر ایجوکیشن نے میٹرک کی طرز پر انٹرمیڈیٹ کا سلیبس مختصر کرنے کا فیصلہ کرلیا ہے، انٹرمیڈیٹ کے سمارٹ سلیبس کے لئے ٹیکسٹ بک بورڈ کو ہدایات بھی جاری کردیں ہیں۔ کورونا وائرس کے باعث کلاسز تاخیر کا شکار ہونے سے لاکھوں طلبا پریشانی کا شکار ہیں جس کے پیش نظر سکولز ایجوکیشن نے میٹرک کا سلیبس مختصر کر دیا ہے لیکن انٹرمیڈیٹ کے لاکھوں بے چینی کا شکار ہیں اس صورتحال کو دیکھتے ہوئیمحکمہ ہائر ایجوکیشن نے انٹرمیڈیٹ کا سلیبس مختصر کرنے کا فیصلہ کیا ہے اور انٹرمیڈیٹ کے سمارٹ سلیبس کی تیاری کے لئے ٹیکسٹ بک بورڈ کو ہدایات جاری کردی ہیں۔

اس مقصد کے لئے ایم ڈی ٹیکسٹ بک بورڈ کی سربراہی میں کمیٹی قائم کردی گئی ہے جس میں سلیبس مختصر کرنے کے فارمولے کا تعین کیا جائے گا اور کمیٹی اپنی سفارشات پنجاب حکومت کو پیش کرے گی۔
کرونا وائرس کی دوسری لہر سے متعلق تازہ ترین معلومات

متعلقہ عنوان :