عمران خان ہر الیکشن سے پہلے ایک نئے جھوٹ کے ساتھ آ جاتے ہیں،بلاول بھٹو زر داری

اتوار 25 اکتوبر 2020 14:15

گانچھے (اُردو پوائنٹ اخبارتازہ ترین - این این آئی۔ 25 اکتوبر2020ء) پاکستان پیپلز پارٹی کے چیئرمین بلاول بھٹو زرداری نے کہا ہے کہ عمران خان نے ہر وعدے پر یوٹرن لیا اور وہ ہر الیکشن سے پہلے ایک نئے جھوٹ کے ساتھ آ جاتے ہیں۔

(جاری ہے)

گانچھے میں کارکنوں سے خطاب کرتے ہوئے بلاول بھٹو زرداری نے کہا کہ پی ٹی آئی کے 2018 کے منشور میں گلگت بلتستان کی کوئی بات نہیں تھی تاہم اب الیکشن قریب آ رہا ہے تو انہوں نے گلگت بلتستان کے لیے صوبے کا لولی پاپ تیار کر لیا۔بلاول بھٹو زرداری نے کہا کہ جنوبی پنجاب سے پوچھیں عمران خان نے الیکشن سے پہلے انہیں بھی صوبے کا لولی پاپ دیا تھا۔ انہوںنے کہاکہ یہ تبدیلی نہیں تباہی ہے اور ہمیں گلگت بلتستان کے نوجوانوں کو اس تباہی سے بچانا ہے۔