کراچی، پولیس نے مختلف کارروائیوں میں بنگلے لوٹنے والے بنٹی گروپ کے ڈکیت دوسگے بھائیوں سمیت 4ملزمان کو گرفتارکرلیا

منگل دسمبر 15:21

کراچی، پولیس نے مختلف کارروائیوں میں بنگلے لوٹنے والے بنٹی گروپ کے ..
کراچی(اُردو پوائنٹ اخبارتازہ ترین - این این آئی۔ 01 دسمبر2020ء) کراچی پولیس نے مختلف کارروائیوں میں بنگلے لوٹنے والے بنٹی گروپ کے ڈکیت دوسگے بھائیوں سمیت 4ملزمان کو گرفتارکرلیاہے۔تفصیلات کے مطابق بلوچ کالونی پولیس نے بنگلے کی ڈکیتی میں ملوث گینگ کے دوسگے بھائیوں شہزاد ولد قیصر علی اور شہروز ولد قیصر علی کو گرفتارکرلیاہے۔

(جاری ہے)

ملزمان نے تین فروری 2020 کو بلوچ کالونی کے علاقے میں اپنی ساتھی ملزمان صبا اور خرم شہزاد کی مدد سے گھر میں داخل ہوکر اہل خانہ کو یرغمال بناکر واردات کی تھی ملزمان کے قبضے سے لوٹا گیا مال اور ناجائز اسلحہ برآمد ہواہے۔

پولیس کے مطابق گرفتارشدہ ملزمان اس سے قبل بھی ڈکیتیوں اور پولیس مقابلے میں گرفتار ہو کر جیل جا چکے ہیں۔دوران تفتیش گرفتارملزمان نے محمود آباد، ٹیپوسلطان، نیو کراچی انڈسٹریل ایریا اور نیو ٹائون کے علاقوں میں وارداتوں کا انکشاف کیا ہے۔ادھرسعودآباد پولیس نے سی سی ٹی وی کی مددسے رات کی تاریکی میں گھروں کے باہر پارک شدہ گاڑیوں سے قیمتی سامان چوری کرنے والے رکشہ گینگ کے کارندے دل محمد ولد عالم کو گرفتار کرلیا سہراب گوٹھ پولیس نے منشیات فروشی میں ملوث ملزم عنایت علی ولد محمد عثمان کو گرفتار کرلیا۔