ن لیگ کے کنونشن میں لیگی رہنما نے ’’گو نواز گو‘‘ کا نعرہ لگا دیا

لاہور میں پاکستان مسلم لیگ (ن) کا سوشل میڈیا کنونشن کا انعقاد، لیگی رہنما افضل کھوکھر نے نعرے لگائے

شہریار عباسی اتوار 6 دسمبر 2020 15:12

ن لیگ کے کنونشن میں لیگی رہنما نے ’’گو نواز گو‘‘ کا نعرہ لگا دیا

لاہور (اُردو پوائنٹ اخبار تازہ ترین - 06 دسمبر 2020ء) پاکستان مسلم لیگ (ن) کی جانب سے لاہور میں سوشل میڈیا کنونشن کا انعقاد کیا گیا ہے ۔ میڈیا رپورٹس کے مطابق کھوکھر پیلس لاہور میں جاری سوشل میڈیا کنونشن میں لیگی رہنما افضل کھوکھر نے ’’گو نواز گو‘‘ کے نعرے لگا دیے ہیں ۔

(جاری ہے)

گو نواز گو کا نعرہ لگانے کے بعد افضل کھوکھر کو احساس ہوا کہ ان کی زبان پھسل گئی جس پر انہوں نے تحریک انصاف کے خلاف نعرے بازی شروع کردی ۔

واضح رہے کہ پاکستان مسلم لیگ (ن)کی جانب سے لاہور میں سوشل میڈیا کنونشن منعقد کیا گیا ہے جس میں ملک بھر سے والنٹیئرز اکھٹے کیے گئے ہیں جو مسلم لیگ (ن) کی سوشل میڈیا کوریج دیکھیں گے۔ اس تقریب سے سابق وزیراعظم میاں نواز شریف اور نائب صدر مسلم لیگ(ن) مریم نواز بھی خطاب کریں گی ۔