-کوئٹہ، جے ڈی سی کراچی وفد کی کوئٹہ آمد،سانحہ مچھ کے شہدا کے لواحقین سے تعزیت،

کوئٹہ(اُردو پوائنٹ اخبارتازہ ترین - آن لائن۔ 16 جنوری2021ء) جے ڈی سی کراچی کے وفد کی کوئٹہ آمد اور سانحہ مچھ کے شہدا کے لواحقین سے تعزیت، ہزارہ قبرستان میں جاکر فاتحہ خوانی بھی کی۔ تفصیلات کے مطابق ہفتہ کے دن جے ڈی سی ٹیم کی وفد سانحہ مچھ کے لواحقین سے تعزیت اور فاتحہ خوانی کیلئے کوئٹہ پہنچے۔ سیدالشہدا ویلفئیر سوسائٹی کی اراکین نے کوئٹہ ائیرپورٹ پر جے ڈی سی کے وفد کا استقبال کیا۔

(جاری ہے)

جے ڈی سی ٹیم نے چئیرمین جے ڈی سی شیخ محمد حسن اور ظفر عباس کی سربراہی میں سانحہ مچھ بلوچستان کے شہدا کی قبروں پر فاتحہ خوانی کی اور شہدا کی لواحقین میں جے ڈی سی کی جانب سے امدادی چیک تقسیم کئے گئے۔ اس موقع پر انہوں نے ہزارہ ٹاون کا بھی دورہ کیا۔ جے ڈی سی ٹیم کیجانب سے مقامی فلاحی ادارہ سیدالشہدا ویلفئیر سوسائٹی کو ایک ایمبولینس کی خریداری کیلئے چیک بطور عطیہ بھی دیا گیا۔ اس موقع پر کراچی سے آئے سماجی رہنما عاطف ذیدی "ذیدی ریئل اسٹیٹ ڈیفنس کلفٹن" نے بھی ایمبولنس کے لئیے ڈونیشن دیا