Lحافظ آباد ، 3سرکاری کالجوں کو جی سی یونیورسٹی فیصل آبادکے اجزائی کالجزقرار ینے کا نوٹیفکیشن،شہر بھر کے عوامی ، سماجی ، علمی وتعلیمی حلقوں میں تشویش کی لہر دوڑ گئی

اتوار 31 جنوری 2021 20:00

حافظ آباد(اُردو پوائنٹ اخبارتازہ ترین - آن لائن۔ 31 جنوری2021ء) حافظ آباد شہر کے 3سرکاری کالجوں کو جی۔سی یونیورسٹی فیصل آبادکے اجزائی کالجزقرار دیئے جانے کا نوٹیفکیشن جاری ہونے کے بعد شہر بھر کے عوامی ، سماجی ، علمی وتعلیمی حلقوں میں تشویش کی لہر دوڑ گئی ہے۔ ان خیالا ت کا اظہار رانا خالد محمود کی صدارت میں منعقدہ عوامی محاذ حافظ آبا د کے ایک ہنگامی اجلاس میں کیا گیا ۔

اجلاس میںکہا گیا کہ جی۔سی۔یونیورسٹی فیصل آباد کا ایک الگ کیمپس قائم کرنے کی بجائے اب گورنمنٹ کالج فار بوائز حافظ آباد، گورنمنٹ پوسٹ گریجویٹ کالج برائے خواتین حافظ آباد اور گورنمنٹ ڈگری کالج برائے خواتین شرقی سائیڈ حافظ آباد کو جی۔سی۔یونیورسٹی فیصل آباد کے اجزائی کالجز قرار دیکر باقاعدہ نوٹفیکیشن جاری کردیا گیا ہے جس کے بعد ان کالجوں کے یونیورسٹی کا حصہ بن جانے سے یہاں پر جہاں غریب اور مفلوک الحال طلبہ وطالبات کا تعلیم حاصل کرنا محال ہوجائے گا وہاں پر مذکورہ سرکاری کالجوںکا تمام عملہ بھی در بدر ہوجائے گا۔

(جاری ہے)

اجلاس میںکہا گیا کہ حکمران یوں مفت یونیورسٹیاں بنا کر اور یونیورسٹیوں کی تعداد بڑھا کر اقوام عالم کے سامنے پیش کر کے دھوکہ دہی کے مرتکب ہو رہے ۔انہوں نے حکومت اور ہایر ایجوکیشن کے ارباب اختیار سے مطالبہ کیا کہ اس فیصلہ کو فوری واپس لیکر جی۔سی۔یونیورسٹی کا شہر میں الگ کیمپس قائم کیا جائے۔اور تینوں سرکاری کالجوں کی افادیت کو بدستور قائم رکھا جائے۔تاکہ ہزاروں غریب طلبہ وطالبات جو سستی تعلیم حاصل کررہے ہیں وہ اپنی تعلیم جاری رکھ سکیں۔