کسی کی چوری بچانے کے لیے مولانا آئے ہیں، حلیم عادل شیخ

آج انصاف کی فتح ہوئی ہے، ہمیں دہشتگردی کے جھوٹے مقدمات میں پھنسایا گیا تھا، اپوزیشن لیڈر سندھ اسمبلی

جمعرات 25 مارچ 2021 20:00

کسی کی چوری بچانے کے لیے مولانا آئے ہیں، حلیم عادل شیخ

کراچی (اُردو پوائنٹ اخبارتازہ ترین - این این آئی۔ 25 مارچ2021ء) پوزیشن لیڈر سندھ اسمبلی حلیم عادل شیخ نے کہا ہے کہ کسی کی چوری بچانے کے لیے مولانا آئے ہیں، یہ سب نیب زدہ ہیں یہ این آر او لینا چاہتے ہیں۔حلیم عادل شیخ نے سندھ اسمبلی میں میڈیا سے گفتگوکرتے ہوئے کہا کہ آج انصاف کی فتح ہوئی ہے، ہمیں دہشتگردی کے جھوٹے مقدمات میں پھنسایا گیا تھا، میرے چار ساتھی ابھی میں جیل میں ہیں۔

(جاری ہے)

انہوں نے کہا کہ ہم نے کسی تھانے یا سی آئی اے سینٹر پر حملہ نہیں کیا۔حلیم عادل شیخ نے کہا کہ پیپلز پارٹی اس لیے چپ ہوگئی تھی کہ شاید سوئس کیس پر نظر نہ ڈلے، جب سوئس کیس کے ڈبے کھلنے لگے تو یہ دوبارہ پی ڈی ایم میں گھس رہی ہے۔انہوں نے کہا کہ مولانا بھی میدان میں آگئے یہ مولانا رینٹل ہیں،کبھی مارچ اور کبھی ایف اے ٹی ایف کے نام پربلیک میل کرتے ہیں۔حلیم عادل شیخ نے کہا کہ عمران خان آپ کی دھمکیوں میں نہیں آئے گا۔