Live Updates

مغربی ممالک کے دباؤ پر حکومت نے عمران خان کو کسی خلیجی ملک بھیجنے کی آفر کی، وزیرمملکت کا دعویٰ

برطانیہ نے عمران خان کی رہائی کیلئے 4 مرتبہ ڈیل کرانے کی کوشش کی، علی امین گنڈاپور بانی پی ٹی آئی کی ڈیل کی کوشش میں موجود تھے، گفتگو کی ریکارڈنگ موجود ہے؛ حذیفہ رحمان کی گفتگو

ساجد علی اتوار 3 اگست 2025 13:30

مغربی ممالک کے دباؤ پر حکومت نے عمران خان کو کسی خلیجی ملک بھیجنے کی ..

اسلام آباد ( اُردو پوائنٹ اخبارتازہ ترین۔ 03 اگست 2025ء ) وزیر مملکت برائے قومی ورثہ و ثقافت حذیفہ رحمان کا کہنا ہے کہ برطانیہ نے عمران خان کی رہائی کیلئے 4 مرتبہ ڈیل کرانے کی کوشش کی، علی امین گنڈاپور بانی پی ٹی آئی کی ڈیل کی کوشش میں موجود تھے، گفتگو کی ریکارڈنگ موجود ہے، مغربی ممالک کے دباؤ پر حکومت نے عمران خان کو کسی گلف ملک بھیجنے کی آفر کی، اب عمران خان کے بیٹے ہائی کمیشن کی قانونی کارروائی کو حتمی شکل دینے کے بعد سخت سکیورٹی میں اپنے والد سے ملنے جا سکتے ہیں تاہم غیر ملکی شہریوں کو قومی امن میں خلل ڈالنے کی اجازت نہیں دی جائے گی۔

برطانیہ نے عمران خان کی رہائی کیلئے 4 مرتبہ ڈیل کرانے کی کوشش کی، علی امین گنڈاپور بانی پی ٹی آئی کی ڈیل کی کوشش میں موجود تھے، گفتگو کی ریکارڈنگ موجود ہے،مغربی ممالک کے دباؤ پر حکومت نے عمران خان کو کسی گلف ملک بھیجنے کی آفر کی، وزیر مملکت حذیفہ رحمان کے پروگرام دو ٹوک میں اہم… pic.twitter.com/0DBGHZwIfV
— Kiran Naz (@kirannaz_KN) August 2, 2025

اس کے علاوہ صحافی وسیم ملک نے وزیر مملکت حذیفہ رحمان کے ایک اور انٹرویو کا کلپ بھی شیئر کیا اور اس کے ساتھ انہوں نے لکھا کہ یہ 3 منٹ اور 19 سیکنڈز کا دلچسپ ساؤنڈ بائٹ سنئیے، پہلے یہ ایک عدد وفاقی وزیر عمران خان سے متعلق ایک "تہلکہ خیز انکشاف" کرتے نظر آئے پھر خود ہی اس کی نفی کردی، 20ویں سیکنڈ پر کہتے ہیں "ہم اور اسٹبلشمنٹ نے ظرف کا مظاہرہ کیا کہ یہ بات پہلے نہیں بتائی، عمران خان نے ہمیں کہا کہ مجھ سے ڈیل کرنی ہے تو مجھے برطانیہ یا یورپ بھیج دو، ہم نے کہا کہ ہم آپکو خلیجی ممالک بھیج دیتے ہیں، مگر عمران خان نے وہاں جانے سے انکار کردیا"۔

(جاری ہے)

تخلیقی دیوالیہ پن کا عالم دیکھئیے کہ بیانیہ اپنے خالق کے ہاتھوں ہی دفن ہوگیا !

یہ 3 منٹ اور 19 سیکنڈز کا دلچسپ ساؤنڈ بائٹ سنئیے، پہلے ایک عدد وفاقی وزیر عمران خان سے متعلق ایک "تہلکہ خیز انکشاف" کرتے نظر آئے پھر خود ہی اسکی نفی کردی۔

20ویں سیکنڈ پر؛ "ہم اور اسٹبلشمنٹ نے ظرف کا… pic.twitter.com/63B0S0iJjF
— Waseem Malik (@iwaseemmalik) August 2, 2025

ان کا کہنا ہے کہ 1 منٹ 58ویں سیکنڈ پر وزیر نے کہا "ہم یہ نہیں کرسکتے کہ ہم عمران خان کو این آر او دے دیں، عمران خان کی جب بھی رہائی ہوگی عدالتوں سے ہوگی"، 2 منٹ 23ویں سیکنڈ پر کہتے پائے گئے کہ "ہمارے لیے سب پہلے پاکستان ہے، جیل میں بیٹھ کر 71 کے سانحے کی ویڈیو لگانے والے، 9 مئی کرنے والے، بی ایل اے کی دہشگردی کا جواز دینے والے شخص کو ہم کیسے بیرون ملک بھیج سکتے ہیں کہ وہ وہاں جا کر پاکستان کے خلاف ہرزہ سرائی کرے"۔

صحافی کا کہنا ہے کہ یہ ساؤنڈ بائٹ محض ایک سیاسی بیان نہیں بلکہ تضادات، تخلیقی دیوالیہ پن اور بیانیاتی کنفیوژن کا جیتا جاگتا مظہر ہے، ورنہ یہ کیسے ممکن ہے کہ موجودہ عسکری، عدالتی اور حکومتی نظام ایک ہی سانس میں تین متضاد مؤقف اپنائے؟۔