نون لیگ خود استعفے نہ دیکر ملبہ پی پی پر گرانا چاہتی،یوسف رضا گیلانی

سی ای سی کے بعد استعفیٰ دے بھی دیں تو مسلم لیگ نون استعفے نہیں دے گی،تمام معاملات کا جائزہ سی ای سی میں لیں گے،میڈیا سے گفتگو

بدھ 7 اپریل 2021 16:40

نون لیگ خود استعفے نہ دیکر ملبہ پی پی پر گرانا چاہتی،یوسف رضا گیلانی

اسلام آباد (اُردو پوائنٹ اخبارتازہ ترین - این این آئی۔ 07 اپریل2021ء) سابق وزیرِ اعظم، پاکستان پیپلز پارٹی کے رہنما اور سینیٹ میں اپوزیشن لیڈر یوسف رضا گیلانی نے کہا ہے کہ مسلم لیگ نون خود بھی استعفے نہیں دینا چاہتی۔میڈیا سے گفتگو کرتے ہوئے سینیٹ میں اپوزیشن لیڈر یوسف رضا گیلانی نے کہا کہ مسلم لیگ نون صرف استعفوں کا ملبہ پیپلز پارٹی پر گرانا چاہتی ہے۔

(جاری ہے)

انہوں نے کہا کہ مسلم لیگ نون صرف پاکستان پیپلز پارٹی (پی پی پی) کو قصور وار ٹھرانا چاہتی ہے، تمام معاملات کا جائزہ سی ای سی میں لیں گے۔سابق وزیرِ اعظم یوسف رضا گیلانی کا کہنا ہے کہ سی ای سی کے بعد استعفیٰ دے بھی دیں تو مسلم لیگ نون استعفے نہیں دے گی۔ایک صحافی نے ان سے سوال کیا کہ سابق صدر آصف علی زرداری کے خلاف سوئس کیس دوبارہ کھولنے کی بات کی جا رہی ہی یوسف رضا گیلانی نے صحافی کو جواب دیا کہ سوئس کیس اوپن اینڈ شٹ کیس ہے، اس وقت میں خط لکھتا تو میرے اوپر آرٹیکل 6 لگ جاتا۔