پنجاب فوڈ اتھارٹی کی میٹھی عید سے قبل صوبہ بھر میں مٹھائی کارخانوں کی چیکنگ

1755 سویٹس پروڈکشن یونٹس کی چیکنگ، ناقص انتظامات پر263 کوجرمانے،459کو نوٹسزجاری

جمعرات 6 مئی 2021 00:00

لاہور (اُردو پوائنٹ اخبارتازہ ترین - آن لائن۔ 05 مئی2021ء) ڈائریکٹر جنرل پنجاب فوڈاتھارٹی رفاقت علی نسوآنہ کی ہدایت پر میٹھی عید سے قبل مٹھائی کارخانوں کی چیکنگ کی گئی۔تفصیلات کے مطابق صوبہ بھر میں 1755 سویٹس پروڈکشن یونٹس کی چیکنگ کے دوران ناقص انتظامات پر263 کو بھاری جرمانے جبکہ معمولی نقائص پر459 یونٹس کو اصلاحی نوٹسزجاری کیے گئے۔ لاہور زون میں 601، راولپنڈی 595،ملتان 360 اورمظفر گڑھ زون میں 199 پروڈکشن یونٹس کو چیک کیا گیا۔

مجموعی طور پر کی گئی کارروائیوں کے دوران2ہزار 578 گندے انڈے، 1430 لٹر مشروبات، 645 لٹر گندہ آئل، 200 من ناقص مٹھائی اور بھاری مقدار میں کھلے رنگ تلف کردیے گئے۔فوڈسیفٹی ٹیموں نے چیکنگ کرتے ہوئے ٹیکسٹائل رنگوں، سکرین، مصنوئی فلیورزاور کیمیکلز کے استعمال پر یونٹس کو جرمانے عائد کیے۔

(جاری ہے)

مزید برآںناقص سٹوریج، ٹوٹے گندے فریزر، کھلے کوڑا دان، استعمال شدہ تیل اورنیلے ڈرموں کا استعمال پرکارروائیاں کی گئیں۔

ڈی جی فوڈ اتھارٹی کاکہناتھا کہ خوشی کے ہر موقع پر مٹھائی کا استعمال ہماری روایات کا حصہ ہے۔مخصوص مواقعوں پر خاص اشیائے خورونوش کی اضافی طلب کے باوجود معیار کو قائم رکھنا لازم ہے۔ وزیر اعلیٰ پنجاب کی ہدایت کے مطابق عوام تک معیاری اشیاء خورو نوش پہنچانا اولین ترجیح ہے۔رفاقت علی نسوآنہ نے واضح کیاکہ پنجاب میں صرف حفظان صحت اصولوں کے مطابق خوراک کا کاروبار کیا جا سکتا ہی