کراچی،ماڑی پور پولیس نے اسٹریٹ کرائم کی سنچری کرنیوالے دو ملزم دھرلئے،سکھن پولیس نے سوشل میڈیا کی مدد سے ڈکیت کو گرفتار کرلیا

پولیس کا شہر کے مختلف علاقوں میں چھاپہ مار کارروائیوں کے دوران منشیات فروش،موٹرسائیکل لفٹرز،غیر اخلاقی حرکتوں میں ملوث3خواتین سمیت دیگر جرائم میں ملوث37 ملزمان کو گرفتارکرکے قبضے سے اسلحہ،منشیات،مسروقہ موٹرسائیکلیں،موبائل فونز،گٹکا ،چھالیہ ودیگر سامان برآمد کرنے کادعویٰ

منگل 15 جون 2021 11:55

کراچی(اُردو پوائنٹ اخبارتازہ ترین - این این آئی۔ 15 جون2021ء) ماڑی پور پولیس نے اسٹریٹ کرائم کی سنچری کرنیوالے دو ملزم دھرلئے،سکھن پولیس نے سوشل میڈیا کی مدد سے ڈکیت کو گرفتار کرلیا جبکہ پولیس نے شہر کے مختلف علاقوں میں چھاپہ مار کارروائیوں کے دوران منشیات فروش،موٹرسائیکل لفٹرز،غیر اخلاقی حرکتوں میں ملوث3خواتین سمیت دیگر جرائم میں ملوث37 ملزمان کو گرفتارکرکے قبضے سے اسلحہ،منشیات،مسروقہ موٹرسائیکلیں،موبائل فونز،گٹکا ،چھالیہ ودیگر سامان برآمد کرنے کادعویٰ کیاہے۔

تفصیلات کے مطابق ماڑی پور پولیس نے اسٹریٹ کرائم کی سنچری کرنیوالے دو ملزمان زوہیب ولد نعمت اللہ اور تاج محمد ولد علی محمد کو گرفتار کرلیا۔سکھن پولیس نے اسٹریٹ کرائم کی واردات میں ملوث ملزم کوگرفتار کرلیا۔

(جاری ہے)

پولیس کے مطابق چند روز قبل سوشل میڈیا میں ملزمان کی ڈیفنس کے علاقے میں لوٹ مار کی ویڈیو وائرل ہوئی تھی فوٹیج میں ملزمان کو واضح دیکھا جاسکتا ہے۔

سکھن پولیس نے مہران ہائی وے پورٹ قاسم کے قریب سے ملزم سید وقار شاہ کو گرفتار کرلیا موچکو پولیس نے دوران چیکنگ حب چوکی بلوچستان کی جانب سے آنے والی ہائی روف سے 10 کٹے وزنی 548 کلو گرام اسمگل شدہ چھالیہ برآمد کرکے ڈرائیور الیاس کو گرفتار کرلیا ،پی آئی بی پولیس نے منشیات فروش صدیق اللہ ولد عظمت اللہ کوگرفتار کرکے سات کلو سے زائد چرس برآمدکرلی۔

مدینہ کالونی پولیس نے روبی موڑ سعید آبادپر دوران چیکنگ دو موٹرسائیکل سوار ملزمان عبداللہ ولد ابراہیم اور محمد فاروق ولد عبدالحمید کو گرفتار کرکے قبضہ سے منشیات برآمد کی۔۔شاہ لطیف پولیس نے گھر پر قبضے سمیت غیر اخلاقی حرکتوں میں ملوث 3 عورتوں سمیت 6 ملزمان ثمرہ، نازیہ، آسیہ، الطاف، تنویر اور حسین راجپرکو گرفتارکرکے ان کے خلاف مقدمات درج کرلیے۔سعید آباد پولیس نے دو منشیات فروش منشاء اور باز محمد، موچکو پولیس نے لاکھوں مالیت 548 کلو گرام چھالیہ برآمد کرکے ملزم الیاس ،نیو کراچی انڈسٹریل ایریا پولیس نے گٹکاماوا کے کارخانوں پر چھاپہ مار کر 7 ملزمان محمد یوسف، حاجی معین ، افنان، محبوب، صلاح الدین، محمد اقبال ا ورمحمد اقبال کو گرفتار کرلیا